اگنی پتھ احتجاجیوں کی حمایت میں دہلی کے جنترمنتر پر کانگریس کا ستیہ گرہ

Source: S.O. News Service | By I.G. Bhatkali | Published on 22nd June 2022, 1:09 PM | ملکی خبریں |

نئی دہلی  22 جون (ایس او نیوز/ایجنسی) اگنی پتھ اسکیم کی مخالفت میں  ملک بھر میں جوان جس طرح کا احتجاج کررہے ہیں، اُن کی حمایت کرتے ہوئے  کانگریس نے اتوار کو  دہلی کے  جنتر  منتر پر ستیہ گرہ کی اور حکومت سے  اس اسکیم کو فوری طور پر واپس لینے کا مطالبہ کیا۔

 ستیہ گرہ  میں کانگریس قائدین   پرینکا گاندھی، سچن پائلٹ ، کے سی وینو گوپال، سچن پائلٹ اور دیپیندر ہڈا سمیت پارٹی کے متعدد سینئر لیڈروں  نے شرکت کی۔اس دوران پرینکا گاندھی نے   نوجوانوں کی مکمل حمایت کا اعلان کیا اور انہیں’’نقلی دیش بھکتوں‘‘سے آگاہ کرتے ہوئے اپیل کی  کہ وہ  ملک میں ایسی حکومت کے قیام کو یقینی بنائیں جو  ’’حقیقی محبِّ وطن‘‘ ہو۔

 انہوں نے کہا کہ مودی حکومت کی فوج بھرتی کی نئی اسکیم ’’اگنی پتھ‘‘  فوج اور نوجوانوں کیلئے تباہ کن ہوگی۔  ستیہ گرہ میں لوک سبھا میں پارٹی لیڈر ادھیر رنجن چودھری، ہریش راوت،کمیونی کیشن محکمہ کے سربراہ جے رام رمیش، سلمان خورشید اور اجے ماکن   بھی موجود تھے۔ ان  لیڈروں نے ’اگنی پتھ‘ کے خلاف نعرے لکھی ہوئیں تختیاں اٹھا رکھی تھیں جن میں   اسکیم کو واپس لینے کے مطالبہ کا نعرہ بھی درج تھا۔ جنتر منتر پر ستیہ گرہ کے دوران اپنے خطاب میں پرینکا گاندھی نےکہا کہ ’’میں نوجوانوں سے کہنا چاہتی ہوں کہ آپ اس ملک کا مستقبل ہو۔ اس ملک میں آپ سے بڑا محب وطن کوئی  نہیں ۔ میں نے آپ جیسے سیکڑوں بچوں سے بات کی۔ ہم آپ کا درد سمجھتے ہیں۔ پورا ملک سمجھ رہا ہے لیکن آپ کو یہ نہیں بھولنا ہے کہ یہ ملک آپ کا ہے۔‘‘ پرینکا گاندھی نے نوجوانوں کو تشدد اور سرکاری املاک کو نقصان پہنچانے سے روکتے ہوئے کہا کہ ’’اس ملک کی املاک آپ کی  ہیں، انہیں محفوظ رکھنا آپ کی ذمہ داری ہے۔ ہم یہاں ستیہ گرہ پر بیٹھے ہیں کیونکہ ستیہ گرہ سچائی کی لڑائی ہے  جو عدم تشدد پر مبنی ہے۔ اسی لڑائی کے دم پر اس ملک کو آزاد کرایا گیا تھا اور اس ملک کو آپ کے ہاتھ میں سونپا گیا تھا تاکہ آپ کا مستقل تابناک رہے۔‘‘ کانگریس کی جنرل سکریٹری نے کہا ’’میں آپ سے گزارش کرتی ہوں کہ حالات کو سمجھئے۔  آس پاس کیا ہو رہا ہے، حکومت کیسے چل رہی ہے، اس کو گہرائی سے سمجھئے۔‘‘

 

ایک نظر اس پر بھی

اُدھو ٹھاکرے سرگرم، شیو سینا کو مضبوط بنانے کاعزم، ضلع صدور سے مسلسل رابطے میں۔ سنجے رائوت کا دعویٰ :اگر ابھی انتخاب ہوئے تو شیو سینا کو آسانی سے 100سیٹیں مل جائیں گی

مہاراشٹرکی سیاست میں دائو پیچ کے معاملے میں فی الحال پیچھے رہ گئے شیو سینا سربراہ ادھو ٹھاکرے بھلے ہی اپنوں کی بغاوت کی وجہ سے دلی طور پر رنجیدہ ہیں لیکن انہوں نے پارٹی کو مضبوط بنانے کاعزم کر رکھا ہے جس کی وجہ سے اب وہ پارٹی امور کے سلسلے میں نہ صرف سرگرم ہو گئے ہیں بلکہ انہوں ...

نپور شرما کیس : سپریم کورٹ کے ججوں کے تبصرہ پر چیف جسٹس کو خط، سابق جج جسٹس رویندرن کے خط پر 15 ریٹائرڈ ججوں ، 77 سابق نوکر شاہوں اور 25 سابق فوجی افسران نے دستخط کئے

  نپور شرما  کے خلاف گزشتہ دنوںسپریم کورٹ کے ذریعہ کئے گئے سخت ترین تبصرے پر سابق ججوں نے تنقید کی ہے اور ملک کے چیف جسٹس رامنا کو خط لکھ کر اس کی شکایت کی ہے۔ کیرالا ہائی کورٹ کے سابق جج جسٹس رویندرن نے اس تعلق سے خط لکھا  ہے جس پر  ۱۵؍ ریٹائرڈ ججوں، ۷۷؍ریٹائرڈ نوکرشاہوں  اور ...

گھریلو ایل پی جی سلنڈر کے داموں میں 50 روپے کا اضافہ

عوام کو اس وقت مہنگائی کا بڑا جھٹکا لگا جب ایل پی جی سلنڈر کے داموں میں اضافہ ہو گیا۔ گھریلو ایل پی جی سلنڈر کی قیمت میں بدھ کے روز 50 روپے فی سلنڈر اضافہ ہوا ہے۔ بڑھتی ہوئی قیمتوں کا اطلاق آج سے ہو گیا ہے۔ اس اضافے کے بعد دہلی میں ایل پی جی سلنڈر 1053 روپے فی سلنڈر کے حساب سے دستیاب ...

2024 کے لوک سبھا انتخابات سے قبل سی اے اے نافذ ہو جائے گا، بنگال بی جے پی صدر

 مغربی بنگال بی جے پی کے صدر سوکانت مجمدار نے منگل کے روز کہا کہ شہریت (ترمیمی) قانون یعنی سی اے اے کو 2024 کے لوک سبھا انتخابات سے قبل نافذ کر دیا جائے گا۔ انہوں نے کہا کہ بی جے پی کا اپنے وعدوں کو نبھانے کا ٹریک ریکارڈ رہا ہے۔

مدھیہ پردیش میں ہلاک آر ٹی آئی کارکن کو ملی تھی کئی دھمکیاں، مزید کئی انکشافات

مدھیہ پردیش کے ودیشا ضلع میں ایک سرکاری دفتر میں 42 سالہ آر ٹی آئی کارکن رنجیت سونی کا گولی مار کر قتل کیے جانے کے ایک ماہ بعد ایک فیکٹ فائنڈنگ ٹیم نے اس قتل سے متعلق جو رپورٹ جاری کی ہے اس سے کئی انکشافات ہوئے ہیں۔