کرناٹک میں کلاس 5 ، 8، 9 اور 11 ویں کیلئے بورڈ سطح کے امتحانات کرانے کی اجازت
بنگلورو، 23/ مارچ (ایس او نیوز /ایجنسی) ہائی کورٹ کی ڈویژن بینچ نے ریاستی نصاب کے مطابق سرکاری امداد یافتہ اور غیر امدادی تعلیمی اداروں میں کلاس 5، 8، 9 اور 11 کے لیے بورڈ کی سطح کے امتحان کے انعقاد کی اجازت دے دی ہے۔ اس کے علاوہ بینچ نے رو پسا و دیگر اسکول کی جانب سے دائر درخواست کو بھی مستر د کر دیا کہ اس حکم کے خلاف حکم امتناعی جاری کیا جائے۔ درخواست سے متعلق قبل ازیں سماعت کے دوران حکومت کے وکیل نے کہا کہ ریاستی نصاب کو اپنانے والے تمام بچوں کے لیے یکساں نظام تعلیم کی ضرورت ہے۔ محکمہ تعلیم نے بورڈ کے امتحانات کا آغاز کر دیا ہے۔ نیز امتحانات کوئی مذاق نہیں ہیں۔ بچے کئی دنوں سے تیاری کر رہے ہیں۔ تاہم امتحان کی تاریخوں کو بار بار تبدیل کرنے سے طلبا میں شدید الجھن پیدا ہورہی ہے۔
کیس کا پس منظر : کرناٹک ایجوکیشن ایکٹ کے تحت ریاستی محکمہ تعلیم نے 6 اور 9 اکتوبر 2023 کو 8،5، 9 اور 11 ویں کلاس کے بورڈ سطح کے امتحانات منعقد کرنے کے لیے دوسر کلر جاری کیے تھے۔ درخواست گزار ایسوسی ایشنز، جنہوں نے اس پر سوال اٹھایا، دعویٰ کیا کہ حکومتی سرکلر نے لازمی تعلیم کے حق کے قانون کے سیکشن 30 اور کرناٹک ایجوکیشن ایکٹ کے مختلف حصوں کی خلاف ورزی کی ہے اور بورڈ کے امتحان کو منسوخ کرنے کا مطالبہ کیا جسٹس کے سوما شیکھر اور کے راجیش رائے کی سربراہی والی بینچ نے ایک طویل سماعت کی اور فیصلہ محفوظ رکھتے ہوئے آج اس کا اعلان کیا۔ ڈویژن بینچ نے سنگل بیج بینچ کے فیصلے کو ایک طرف رکھ دیا جس نے بورڈ کے امتحان کے انعقاد کے لئے ریاستی حکومت کے جاری کردہ دوسر کلر کو منسوخ کر دیا۔ ریاستی حکومت بورڈ کے امتحان کا انعقاد کر سکتی ہے اسے اسی مقام سے جاری رکھا جانا چاہیے جہاں سے امتحان کا عمل روکا گیا تھا۔ بینچ نے حکومت کو ہدایت کی کہ وہ اگلے تعلیمی سال میں بورڈ کے امتحان کے انعقاد کے لیے متعلقہ فریقوں سے مشاورت کرے۔ اس کے علاوہ ریاستی محکمہ تعلیم کو آرٹی ای ایکٹ کے تحت امتحانات منعقد کرنے کی اجازت دی گئی ہے۔ گزشتہ سال بھی آرٹی ای ایکٹ کے تحت ایک سرکلر جاری کیا گیا تھا اور امتحانات منعقد کیے گئے تھے۔
درخواست گزاروں کے وکیل نے استدلال کیا کہ بورڈ کے امتحانات منعقد کرنے کی ریاستی حکومت کی پیشکش لازمی تعلیم کے حق کے قانون کے خلاف ہے۔ انہوں نے وضاحت کی کہ اس طرح امتحانات کا انعقاد غیر قانونی ہے۔ ان درخواستوں کی سماعت کرنے والے سنگل رکنی بینچ نے محکمہ تعلیم کے سرکلرز کو منسوخ کرنے کا حکم دیا تھا۔ سنگل رکنی بینچ کے حکم کو چیلنج کرتے ہوئے حکومت نے دور کنی بینچ میں اپیل کی۔ اپیل کی سماعت کرنے والے دور کنی بینچ نے سنگل فیصلے پر روک لگا دی۔ درخواست گزار نے سپریم کورٹ میں حج کے خصوصی اپیل دائر کر دی۔ سپریم کورٹ نے دورکنی بینچ کے حکم پر روک لگاتے ہوئے دور کنی بینچ کو ہدایت کی کہ وہ حکومت کی جانب سے دائر اپیل کی جلد از جلد سماعت کرے اور مناسب حکم صادر کرے۔