نئی دہلی ، 25/مارچ (ایس او نیوز /ایجنسی)سنٹرل بورڈ آف سیکنڈری ایجوکیشن (سی بی ایس ای) نے نئی کتابوں کے حوالے سے ایک بڑا اپ ڈیٹ جاری کیا ہے۔ سی بی ایس ای بورڈ کے مطابق، کلاس 3 اور 6 کے لیے نئی کتابیں تعلیمی سیشن 2024-25 میں متعارف کرائی جائیں گی۔ دوسری کلاسوں کی کتابوں میں کوئی تبدیلی نہیں کی جائے گی۔ کلاس 1 اور 2 کی نصابی کتابیں صرف پچھلے سال ہی تبدیل ہوئی ہیں۔اس کے ساتھ ہی سی بی ایس ای نے واضح کیا کہ مارچ 2025 میں ہونے والے بورڈ امتحانات کے نصاب میں کوئی تبدیلی نہیں کی جائے گی۔ اس معاملے میں سی بی ایس ای کے ڈائریکٹر (اکیڈمک) جوزف ایمانوئل نے کہا کہ نیشنل کونسل آف ایجوکیشنل ریسرچ اینڈ ٹریننگ (این سی ای آر ٹی) نے ایک خط کے ذریعے سی بی ایس ای کو مطلع کیا ہے۔

اس کے رہنما خطوط کے بارے میں، این سی ای ار ٹی کو مطلع کیا گیا ہے کہ کلاس 3 اور 6 کے لئے نیا نصاب اور نصابی کتابیں تیار کی جا رہی ہیں اور جلد ہی جاری کی جائیں گی۔انہوں نے کہا کہ اسکولوں کو مشورہ دیا جاتا ہے کہ وہ سال 2023 تک این سی ای آر ٹی کی طرف سے شائع کردہ نصابی کتب کی جگہ تیسری اور چھویں کلاس کے لیے ان نئے نصاب اور نصابی کتب پر عمل کریں۔ مزید برآں، چھٹی کلاس کے لیے ایک برج کورس اور کلاس تھری کے لیے مختصر رہنما خطوط این سی ای ار ٹی کے ذریعے تیار کیے جا رہے ہیں۔

نیشنل کریکولم فریم ورک برائے اسکول ایجوکیشن ( این سی ایف- ایس ای) 2023 کے مطابق طلباء کے لیے نئے تعلیمی طریقوں اور مطالعہ کے شعبوں میں ہموار منتقلی کی سہولت فراہم کرنے کے لیے۔این سی ای آر ٹی سے موصول ہونے کے بعد، ان وسائل کو تمام اسکولوں میں آن لائن پھیلا دیا جائے گا۔ بورڈ اسکولوں کے سربراہان اور اساتذہ کے لیے صلاحیت سازی کے پروگراموں کا بھی اہتمام کرے گا تاکہ وہ این ای پی-2020 میں نئے تدریسی طریقہ کار سے واقف ہوں۔بورڈ کلاس IX تا XII کے لیے ایک سالانہ نصاب فراہم کرتا ہے جس میں تعلیمی مواد، سیکھنے کے نتائج کے ساتھ امتحانات کے لیے نصاب، تدریسی طریق کار اور تشخیصی رہنما خطوط شامل ہیں۔