بینگلورو: بی ایم ٹی سی نے بغیر ٹکٹ کے سفر کر نے والے افراد سے5لاکھ روپئے کاجرمانہ وصول کیا
بینگلورو، 23/جولائی (ایس او نیوز/ایجنسی)بینگلورو میٹرو پالیٹن ٹرانسپورٹ کارپوریشن (بی ایم ٹی سی) نے اپنی بسوں میں گزشتہ ماہ جون کے دوران خصوصی اسکواڈ سے13,196بسوں کی چیکنگ کے دوران ٹکٹ کے بغیر سفر کرنے کے2,677معاملات کا پتا لگا کر5لاکھ روپئے جرمانہ کی صورت میں وصول کئے ہیں،اس کے علاوہ کنڈکٹروں سے چوری کی رقم کے ایک ہزار معا ملات کا بھی پتا لگا یا ہے۔خصوصی اسکواڈ نے بی ایم ٹی سی بسوں میں خواتین کے لئے مختص سیٹوں پر مردمسافر بیٹھنے کے328معا ملات کا پتا لگا کر ان سے32,800روپئے جرمانہ کی صورت میں وصول کئے ہیں۔ اسی طرح جون کے ماہ میں جملہ 2,955معا ملات میں 5.51لاکھ روپیوں کا جرمانہ وصول کیا ہے۔ بی ایم ٹی سی نے ڈیوٹی کے دوران کوتاہی کرنے والے کنڈکٹرس کے خلاف تادیبی کارروائی شروع کی ہے۔ بی ایم ٹی سی نے مسافروں سے گزارش کی ہے کہ وہ بسوں میں سفر کے دوران کنڈکٹرس سے لازمی طور پر ٹکٹ حاصل کریں۔