ایئر انڈیا ایکسپریس طیارے کا بلیک باکس برآمد، ہلاکتوں کی تعداد 19 ہوگئی

Source: S.O. News Service | Published on 9th August 2020, 10:27 PM | ملکی خبریں |

کالی کٹ،9؍اگست (ایس او نیوز؍ایجنسی) ریاست کیرالہ میں حادثے کا شکار ہونے والے ائیر انڈیاایکسپریس کے طیارے کا بلیک باکس برآمد ہوگیا جب کہ حادثے میں ہلاکتوں کی تعداد 19 ہوگئی۔

میڈیا رپورٹ کے مطابق حادثے میں زخمی ہونے والے 22 افراد کو طبی امداد کے بعد مختلف اسپتالوں سے فارغ کردیا گیا ہے جب کہ 100 افراد زخمی ہیں جن میں سے 15 زخمیوں کی حالت تشویشناک ہے۔

 حادثے میں اب تک 19 افراد کی ہلاکتوں کی تصدیق کی ہے جن میں پائلٹ کیپٹن دیپک اور معاون پائلٹ اکھلیش کمار بھی شامل ہیں۔

موصولہ کے مطابق طیارے کا ڈیجیٹل فلائٹ ڈیٹا ریکارڈر، کاک پٹ وائس ریکارڈر اور بلیک باکس ملبے سے نکال لیا گیا ہے جن کی مدد سے حادثے کی تحقیقات شروع کردی گئی ہیں۔

 حادثے کے نتیجے میں طیارے میں سوار 4 کیبن کریو ممبر محفوظ رہے اور انہیں معمولی چوٹیں آئیں جنہیں مقامی اسپتال میں طبی امداد فراہم کی جارہی ہے۔

رپورٹ کے مطابق طیارہ حادثے میں ہلاک ہونے والوں میں سے 2 افراد میں کورونا وائرس کی تصدیق بھی ہوئی ہے جس کے بعد ریسکیو سرگرمیوں میں حصہ لینے والے اہلکاروں کے بھی ٹیسٹ کرائے جارہے ہیں۔

واضح رہے کہ گزشتہ روز  مسافر طیارہ حادثے کا شکار ہوا، ائیرانڈیا کی دبئی سے آنے والی پرواز میں عملے کے ارکان سمیت 191 مسافر سوار تھے، طیارہ لینڈنگ کے دوران کیرالہ کے کالی کٹ ائیرپورٹ پر پھسل گیا، مسافر طیارہ رن وے سے پھسل کر 35 فٹ نیچے وادی میں گرکر دو ٹکڑے ہوگیا۔

ایک نظر اس پر بھی

ایردوآن نے یو این میں اٹھایا مسئلہ کشمیر، ’اندرونی معاملات میں دخل نہ دے ترکی‘ انڈیا کی تاکید

 جموں و کشمیر کے حوالہ سے اقوام متحدہ کی جنرل اسمبلی میں ترکی کے صدر رجب طیب اردوآن کے بیان پر اقوام متحدہ میں ہندوستان کے مستقل نمائندہ ٹی ایس ترومورتی نے سخت احتجاج کرتے ہوئے کہا ہے کہ ترکی کو دوسرے ممالک کی خودمختاری کا احترام کرنا سیکھنا چاہئے۔

ممبئی میں طوفانی بارش سے سیلابی صورتحال، عام زندگی مفلوج، متعدد رہائشی کالونیاں زیر آب

ملک کی تجارتی راجدھانی ممبئی میں گزشتہ شب سے جاری بھاری بارش کی وجہ سے سیلابی صورتحال پیدا ہوگئی ہے۔ ستمبر کے مہینے میں اس طرح کی بارش نے ایک بار پھر شہر کی عام زندگی کو مفلوج کرکے رکھ دیا ہے۔