لکھیم پور تشدد: بی جے پی لیڈر نے بھی مرکزی وزیر کو ٹھہرایا ذمہ دار، پی ایم مودی سے برخاست کرنے کی اپیل

Source: S.O. News Service | Published on 15th October 2021, 12:08 AM | ملکی خبریں |

لکھیم پور کھیری،15؍اکتوبر(ایس او نیوز؍ایجنسی) اتر پردیش کے لکھیم پور کھیری تشدد معاملے میں مرکزی وزیر مملکت برائے داخلہ کو ہٹائے جانے کا مطالبہ لگاتار بڑھتا جا رہا ہے۔ اب بی جے پی لیڈر اور سابق رکن اسمبلی رام اقبال سنگھ نے بھی ان کے خلاف آواز اٹھائی ہے اور لکھیم پور تشدد معاملہ کا ذمہ دار ٹھہرایا ہے۔ رام اقبال سنگھ نے اجے مشرا کو تشدد واقعہ کا سازش تیار کرنے والا قرار دیتے ہوئے وزیر اعظم نریندر مودی سے گزارش کی ہے کہ انھیں فوراً برخاست کیا جائے۔

اتر پردیش بی جے پی یونٹ کی مجلس عاملہ کے رکن اور سابق رکن اسمبلی اقبال سنگھ نے صحافیوں سے بات چیت کے دوران مرکزی وزیر مملکت اجے مشرا کو لکھیم پور کھیری تشدد واقعہ کا سازشی بتایا۔ ساتھ ہی انھوں نے کہا کہ واقعہ کے کچھ دن پہلے انھوں نے دھمکی بھرے انداز میں جو بیان دیا تھا، اس نے آگ میں گھی کا کام کیا۔ اقبال سنگھ کا کہنا ہے کہ اجے مشرا کو تو کسانوں سے معافی مانگنی چاہیے تھی لیکن وہ اپنے بیٹے کو بچانے میں لگے ہوئے ہیں۔ انھیں اس پرتشدد واقعہ پر ذرا بھی پچھتاوا نہیں ہے۔

رام اقبال سنگھ نے یہ بھی کہا کہ وزیر مملکت برائے داخلہ کے بیٹے نے گاڑی سے کسانوں کو روند کر مار ڈالا۔ سپریم کورٹ کی مداخلت کے بعد اسے گرفتار کیا گیا۔ لیکن وزیر محترم آج بھی کرسی پر بنے ہوئے ہیں۔ ایسے میں وزیر اعظم نریندر مودی کو انھیں فوراً برخاست کرنا چاہیے۔ ساتھ ہی انھوں نے کہا کہ گزشتہ دنوں ہوئے لکھیم پور تشدد اور گورکھپور میں کاروباری کے قتل واقعہ سے بی جے پی حکومت کی بہت بدنامی ہوئی ہے۔

ایک نظر اس پر بھی

سپریم کورٹ نے مرکزی حکومت سے سینٹرل وسٹا پروجیکٹ پر جواب طلب کیا

سپریم کورٹ نے ہزاروں کروڑ روپے کے سینٹرل وسٹا پروجیکٹ پر سوال اٹھانے والی عرضی پر پیر کو مرکزی حکومت سے جواب طلب کیا۔ جسٹس اے۔ ایم کھانولکر اور جسٹس سی ٹی روی کمار کی بنچ نے سماجی کارکن راجیو سوری کی درخواست پر مرکزی حکومت سے جواب طلب کیا ہے۔

جموں و کشمیر کو جلد ہی مکمل ریاست کا درجہ ملنا چاہیے:ادھیررنجن چودھری

کانگریس لیڈر ادھیر رنجن چودھری نے ہفتہ کو جموں و کشمیر میں سیاسی نظم و ضبط کی بحالی کا مطالبہ کیا اور جموں و کشمیر کو ریاست کا درجہ بحال کرنے کا مطالبہ کیا تاکہ جلد سے جلد اسمبلی انتخابات کرائے جا سکیں۔

اننیا پانڈے این سی بی کے سامنے پیش نہیں ہوئیں

بالی ووڈ اداکارہ اننیا پانڈے منشیات سے متعلق کیس میں گرفتار آرین خان کے ساتھ مبینہ واٹس ایپ چیٹ کے سلسلے میں پوچھ گچھ کے لیے پیر کو یہاں نارکوٹکس کنٹرول بیورو (این سی بی) کے سامنے پیش نہیں ہوئیں۔