بھٹکل:14/ جنوری (ایس اؤنیوز)تعلقہ کے ہیبلے گرام پنچایت حدود میں ترقی کے لئے ریاستی حکومت کی طرف سے 150کروڑروپیوں کی امداد منظور کئے جانے کی بھٹکل کے رکن اسمبلی منکال وئیدیا نے جانکاری دی۔

وہ یہاں اتوار کو ہیبلے گرام پنچایت حدود کے تینگنگنڈی تلک یووک منڈل اور سنچن یوتی منڈل کی نئی عمارت کا افتتاح کرنےکے بعد خطاب کر رہے تھے۔ رکن اسمبلی نے کہاکہ علاقہ کے ذمہ داران اور نوجوانوں نے مجھ پر دباؤ ڈال کر اپنا کام کرایا ہے جس کی بنا پر یہاں 150کروڑ روپیوں کاکام ہواہے ، ان 150کروڑ روپیوں میں 90فی صد رقم تنگنگنڈی کے لئے خرچ کی گئی ہے جس کا سبب یہاں کےذمہ دار اور نوجوان ہیں۔ ان کی ان تھک کوششوں سے یہاں ترقی جات کام ہوئے ہیں۔ یہاں کے نوجوان کافی متحرک ہیں ان کی طرف سے دیہات کے مزید کام ہونے کی خواہش ظاہرکی۔ پروگرام کی صدارت کرتے ہوئے ضلع پنچایت صدر جئے شری موگیر نے کہاکہ میرے علاقے میں جتنا کام کرنا ممکن ہواہے وہ سب میں نے کیا ہے، جس کے لئے رکن اسمبلی نے بھرپور تعاون دیاہے، یہاں کی ہائی اسکول کے لئے بھی انہوں نے ہی زمین منظور کرائی ہے۔ اس موقع پر دیہی نوجوانوں نے منکال وئیدیا اور جئے شری موگیر کی تہنیت کی۔ ہیبلے پنچایت کے صدر این ڈی موگیر، بلاک کانگریس صدر وٹھل نائک وغیرہ ڈائس پر موجود تھے۔