بھٹکل :17؍فروری (ایس اؤ نیوز ) 18فروری 2024 بروز اتوار کی صبح 10بجے مرڈیشور کی جنتا ودیا لیہ کالج میں کرناٹکا ساویتری بائی پھُلے ٹیچرس (خواتین)اسوسی ایشن (رجسٹرڈ)اترکنڑا ضلع کے سبھی تعلقہ جات کی شاخوں کا افتتاح اور حلفیہ پروگرام ہوگا۔ کرناٹکا ساویتری بائی پھلے شکشکئیر سنگھ ، دھارواڑ میں واقع ریاستی خاتون اساتذہ کی تنظیم ہے۔ متعلقہ پروگرام اترکنڑا ضلعی شاخ کی سرپرستی میں منعقد ہوگا۔
اترکنڑا ضلع سنگھ کی صدر جئے شری نائک نے پریس کانفرنس میں حلفیہ اور افتتاحی پروگرام کی تفصیلات بتاتے ہوئے کہاکہ اترکنڑا ضلع نگراں کا ر وزیر منکال وئیدیا پروگرام کا افتتاح کریں گے۔ خصوصی مدعوئین کے طورپر اترکنڑا ضلع کی ڈی سی گنگوبائی مانکر، موظف منصف روی ایم نائک، بھٹکل کی اسسٹنٹ کمشنر ڈاکٹر نینا پروگرام کو رونق بخشیں گے۔ سنگھ کی بانی ، قومی صدر ڈاکٹر لتا ایس مُلُّور اپنے خیالات کا اظہار کریں گی۔ مہمان خصوصی کی حیثیت سے محکمہ تعلیمات کاروار کی ڈپوٹی ڈائرکٹر لتا ایم نائک، بی ای اؤ وی ڈی موگیر وغیرہ شریک ہونگے۔ ڈاکٹر شئیلجا خصوصی خطبہ پیش کریں گی۔
ضلعی صدر نے بتایا کہ ساویتری بائی پھلے سنگھ خواتین ، بچوں ،خاص کر اپاہج بچوں کے لئے جدوجہد کرتی ہے۔سنگھ کی جانب سے بچہ جرم کے انسداد اور اسی طرح خواتین کی صلاحیتوں ،لیاقت کو فروغ دینے کی بھی کوشش کرتاہے۔پریس کانفرنس میں سیما ہوناور،بھٹکل شاخ کی صدر شوبھا نائک، نورجہاں شیخ، ممتا واریکر، جئے لکشمی نائک نیتراوتی شانبھاگ ، یمونانائک، کے مالتی موجود تھیں۔