بھٹکل:4؍ڈسمبر (ایس او نیوز)پردھان منتری آواس منصوبے کے تحت گھروں کی تعمیر کے لئے سالانہ 3لاکھ روپیوں سے 18 لاکھ روپیوں کی آمدنی والے (سرکاری ملازمین سمیت ) بھٹکل بلدیہ حدود کے متوسط طبقےاور دیگر  باشندوں کو قرض کی سہولت مہیا کی گئی ہے اس تعلق سے پریس ریلیز جاری کرتے ہوئے   بلدیہ چیف آفیسر نےمنصوبے سے استفادہ کرنے کی اپیل کی ہے۔

ریلیز کے مطابق سالانہ آمدنی کے مطابق کم شرح سود پر قرض لیا جاسکتاہے ، قرض ادائیگی کی مدت 20برس تک ہوگی۔3لاکھ روپیوں کی سالانہ آمدنی والے 30مربع میٹر یا 60مربع میٹر وسعت والے گھرکی تعمیر کے لئے 6لاکھ روپئے قرضہ لے سکتےہیں، جس پر 6.5فی صد شرح سود کی رعایت دی جائے گی جس سے کل 2.67لاکھ روپئے بطور سود تعاون ملے گا۔ 6سے 12لاکھ روپئے سالانہ آمدنی والوں کو 160مربع میٹر وسعت کے گھر کی تعمیر کے لئے 9لاکھ روپئے قرض ملے گا،جس پر 4فی صدشرح سود کی چھوٹ ہوگی تو کل 2.35لاکھ روپئے سود بطور معاوضہ ملے گا۔ 12سے 18لاکھ روپئے سالانہ آمدنی والوں کو 200مربع میٹر وسعت کے گھر کی تعمیر کے لئے 12لاکھ روپئے قرض کی سہولت دی گئی ہے جس پر 3فی صد شرح سود کی رعایت ہوگی جس سے کل 2.30لاکھ روپئے بطور سود تعاون ملنے کی جانکاری دی گئی ہے۔ پریس ریلیز میں پردھان منتری آواس یوجنا کے تحت گھروں کی تعمیر کے  سرکاری ملازمین سمیت دیگر خواہش مند افراد سے استفادہ کرنےکی درخواست کی گئی ہے۔