بھٹکل:23/فروری (ایس او نیوز) جے سی آئی شیرور کے سرپرستی میں بھٹکل سٹی کی نئی شاخ کا افتتاحی پروگرام بھٹکل کے تنگنگنڈی کولامظفر ریساٹ میں منعقد ہوا۔ جے سی زون 15 کے علاقائی صدر سنتوش جی نے نئی شاخ کا افتتاح کیا۔ اس موقع پر خطاب کرتے ہوئے کہاکہ جے سی آئی ادارہ متحرک نوجوانوں کی شخصی تعمیر کے ساتھ ساتھ سماجی سطح پر بھی خدمات انجام دینے والا ادارہ ہے۔ ابھی تک ادارے کےذریعے عالمی سطح کی مہم سمیت ملک کے ترقی نظام میں سرگرم عمل ہے۔ ماحولیات، صحت، تعلیم جیسے کئی ایک میدانوں میں جے سی آئی خدمات انجام دے رہی ہے۔ مہمان خصوصی کی حیثیت سے صنعت کار ایشور نائک نے کہاکہ جے سی آئی ادارہ سماجی ترقی میں اہم رول اداکررہاہے، اترکنڑا ضلع میں جے سی آئی کی شاخ کاافتتاح ہوناخوشی کی بات ہے۔ بھٹکل بلدیہ صدر محمد صادق مٹا نے خطاب کرتے ہوئے کہاکہ بھٹکل میں جے سی آئی کے قیام سے بھٹکل کی ترقی کو مزید قوت ملے گی ، خاص کر صحت اور صفائی اور دیگر میدانوں میں سرگرمیوں کو انجام دینے کی طرف شارہ کیا۔ پروگرام میں جے سی آئی کے بھٹکل صدر ناگراج شیٹھ، سکریٹری ناگراج موگیر سمیت دیگر عہدیداران ، ممبران کو حلف کی خواندگی کرائی گئی ۔اس موقع پر طلبا پونیت وینکٹیش گونڈ اور شویتا شیٹھ کی تہنیت کی گئی ۔ ڈائس پر سی پی آئی سریش نائک ، نتین اوبھرت، مریپا، شیرورجے سی آئی کے صدر ارون کمار، بانی صدر موہن ریونکر، ہریش شیٹھ ، پرساد پربھووغیرہ موجود تھے۔ پرکاش ماکوڑی نے استقبال کیا ، پانڈورنگا نے نئے صدر کا تعارف پیش کیا۔ ناگراج نے شکریہ اداکیا۔