بھٹکل ،2 / مارچ (ایس او نیوز) بھٹکل سمندر میں 6 ناٹیکل میل کے اندر مچھلیوں کا شکار کر رہی ملپے سے تعلق رکھنے والی ماہی گیر کشتی کو بھٹکل ماوین کوروے بندرگاہ پر کھینچ لانے کے معاملے میں پولیس نے بھٹکل کے 7 ماہی گیروں کو حراست میں لے لیا  ہے۔
    
حراست میں لیے گئے ماہی گیروں کی شناخت لکشمن ، سبرامنیا ، راگھویندرا، ہریش، ناگیش، گوپال، سنتوش کے طور پر کی گئی ہے ۔ ملپے پولیس اسٹیشن کے ایس آئی پروین کی قیادت میں پہنچنے والی پولیس ٹیم ان ملزم ماہی گیروں کو اپنے ساتھ  لے گئی  ہے۔
    
خیال رہے کہ چار ھ دن قبل بھٹکل کے ماہی گیروں نے ممنوعہ سمندری علاقے میں غیر قانونی طور پر ماہی گیری کرنے کا الزام لگاتے ہوئے منگلورو اور ملپے سے تعلق رکھنے والی دو کشتیوں کو بھٹکل بندرگاہ تک کھینچ لانے کا کام کیا تھا جس کے بعد ملپے سے تعلق رکھنے والی کشتی کے مالک نے ماہی گیروں اور مچھلیوں سمیت کشتی اغوا کرنے کا الزام لگاتے ہوئے ملپے  پولیس اسٹیشن میں شکایت درج کروائی تھی ۔  جس کو لے کر ملپے پولس بھٹکل پہنچی اور سات ماہی گیروں کو گرفتار کرکے اپنے ساتھ لے گئی۔