بھٹکل6/اپریل (ایس او نیوز) قُباء ایجوکیشنل اینڈ ویلفیئرٹرسٹ  کے زیراہتمام چلنے والا مدرسۃ العلم العالمیہ (نالیج انٹرنیشنل عربک اسکول) سے امسال گیارہ طلبہ وطالبات نے حفظ قرآن مکمل کیا ہے، جن کے اسماء   یہ  ہیں: عائشہ بنت شیخ عبداللہ الکافی، معاذ صدیقہ بن محمد محسن صدیقہ، ام حفصہ بنت عبدالقدیر جیلانی کُندن گوڈا، رداء بنت پرویز احمد رکن الدین، مریم بنت صبغۃ اللہ گنگاولی، محمد شاہ بندری بن محمد اشفاق شاہ بندری، سعد بن نوشاد شنگیٹّی، خنساء بنت فھیم شاہ بندری، علینہ فلک بنت غیاث داباپو، عائشہ عظمی بنت سید حنیف، محمد خلیفہ بن محمد الطاف خلیفہ۔

پریس ریلیز جاری کرتے ہوئے اسکول ہیڈ ماسٹرابراہیم جوہر کھروری نے تمام طلبہ و طالبات کو مبارکباد پیش کرتے ہوئے اُن کے بہترمستقبل کے لئےنیک خواہشات کا اظہار کیا ہے، اس موقع پر ادارہ قباء ایجوکیشنل اینڈ ویلفیئرٹرسٹ  کے صدر محمد شفیق دامدا فقہی اور سکریٹری مظہر الدین منیگار نے حفاظ بچےاور بچیوں کے ساتھ اُن کے والدین اور تمام اساتذہ کو بھی مبارکباد پیش کی ہیں۔

پریس ریلیز میں بتایا گیا ہے کہ نو سالوں میں اس اسکول سے جملہ 36 طلبہ و طالبات حفظ قرآن مکمل  کرنے میں کامیاب ہوئے ہیں۔ اسکول کے تعلق سے بتایا گیا ہے کہ اس اسکول کے تحت طلبہ و طالبات بیک وقت شرعی ودنیوی علوم حاصل کرسکتے ہیں اور یہاں شرعی علوم کو خالص فصیح عربی زبان میں اورعصری علوم کو عالمی انگریزی زبان میں پڑھایا جاتا ہے۔ ادارے کے ذمہ داران کا کہنا ہے کہ اسکول نے اپنے گوشوارے میں تعلیم و تربیت پانے والے طلبہ کے لئے تعلیمِ قرآن کا ایسا نظم بنا رکھا ہے کہ طالب علم گریڈ 10 تک پہنچتے پہنچتے ناظرہ، تجوید اور فہمِ تفسیر کے ساتھ مکمل حافظ قرآن ہوجاتا ہے،پریس ریلیزکے مطابق اس بات پر خوشی کا اظہار کیا گیا ہے کہ  اس سال اسی اسکول کے متخرج  حافظ إبراهيم شاہ بندری سعودی عربیہ میں منعقدہ حفظ قرآن کے عالمی مسابقہ میں دوسری پوزیشن حاصل  کرنے میں کامیاب ہوچکے ہیں۔