بھٹکل :23/مئی (ایس اؤنیوز)تعلقہ کے بینگرے گرام پنچایت حدود میں نقش ونگاری کے پتھروں کی کان کنی کاجائزہ لینے پہنچے بھٹکل اسسٹنٹ کمشنر سے گالی گلوج کے ساتھ بے عزتی کرکے اے سی کے فرائض میں مداخلت کرنے کے الزام میں مرڈیشور پولس نے ایک کو گرفتار کیاہےاور ایک ملزم موہن منجوناتھ نائک فرار ہونے کی اطلاعات موصول ہوئی ہیں۔
گرفتارشدہ ملزم کی شناخت بینگرے ملاری کے مکین ایشور رام سوامی نائر کی حیثیت سے کی گئی ہے ۔ ملزم کو عدالت میں پیش کیا گیا ہے۔ آربی تعمیری کاموں کے سلسلے میں جاری پتھر کان کنی کے دھماکوں اور نقصان کا جائزہ لینے کے لئے اترکنڑا ڈپٹی کمشنر کی ہدایات پر بھٹکل کے اسسٹنٹ کمشنر ایم این منجوناتھ پیر کی شام جائے وقوع کا جائزہ لینے پہنچے تھے۔ نشے میں دھت ملزمان انوا کار میں کان کنی پہنچ کر اے سی کو روک کے ان کی ہتک کرتے ہوئے فرائض میں دخل اندازی کا الزام لگایا گیاہے۔ اس سلسلے میں اے سی منجوناتھ کی طرف سے دی گئی شکایت پر مرڈیشور پولس نے کارروائی کرتے ہوئےملزم کو گرفتار کرنے کے بعد جانچ کررہے ہیں۔