بھٹکل 12 جنوری (ایس او نیوز)ٰ بھٹکل ریلوے اسٹیشن کے قریب موجود ایک نالے کے کنارے ایک شخص کی نعش پائی گئی جس کے تعلق سے شبہ ہے کہ دل کا دورہ پڑنے اس کی موت واقع ہوئی ہوگی۔
نعش کی شناخت ہریانہ سے تعلق رکھنے والے بالا چندرانند (58) کی حیثیت سے کی گئی ہے۔ پتہ چلا ہے کہ یہ شخص ریلوے اسٹیشن اور اطراف کے علاقوں میں بھیک مانگتے ہوئے دیکھا گیا تھا۔
اطلاع ملتے ہی پولس جائے وقوع پر پہنچی اور نعش کو بھٹکل سرکاری اسپتال منتقل کیا۔ فی الحال سرکاری اسپتال کے مردہ خانہ میں نعش رکھی گئی ہے۔