آر بی آئی کے ریپو ریٹ بڑھاتے ہی دو بینکوں نے قرض مہنگا کرنے کا کیا اعلان

Source: S.O. News Service | Published on 6th August 2022, 7:37 PM | ملکی خبریں |

نئی دہلی،6؍اگست (ایس او نیوز؍ایجنسی) آر بی آئی نے 5 اگست کو جائزہ میٹنگ میں ریپوریٹ میں تیسری بار اضافہ کیا تھا۔ اس کے بعد سے ہی یہ امید ظاہر کی جا رہی تھی کہ سبھی بینکوں کے قرض مزید مہنگے ہو جائیں گے۔ اب آر بی آئی کے اعلان کے بعد دو بڑے بینکوں نے اپنے قرض کو مہنگا کرنے کا فیصلہ کیا ہے۔

موصولہ اطلاعات کے مطابق آئی سی آئی سی آئی بینک اور پنجاب نیشنل بینک نے اپنے قرض دینے کی شرح میں اضافہ کرنے کا فیصلہ کیا ہے، آئی سی آئی سی آئی نے اپنے ایکسٹرنل بنچ مارک لینڈنگ ریٹ میں اضافہ کا فیصلہ لیا ہے۔ یہ شرحیں 5 اگست 2022 سے نافذ ہو چکی ہیں۔ دوسری طرف پنجاب نیشنل بینک کے آئی-ای بی ایل آر بڑھانے کے فیصلے کے بعد یہ 9.10 فیصد ہو گیا ہے۔ پی این بی نے اپنے آر بی آئی سے متعلق قرض آر ایل ایل آر میں اضافہ کا فیصلہ کیا ہے۔ یہ 7.40 فیصد سے بڑھ کر 7.90 فیصد ہو گیا ہے۔ یہ نئی شرحیں 8 اگست 2022 سے نافذ ہو جائیں گی۔

واضح رہے کہ سال2019 میں مرکزی بینک یعنی ریزرو بینک آف انڈیا (آر بی آئی) نے یہ فیصلہ کیا تھا کہ کسی بھی طرح کا پرسنل لون اور ریٹیل لون کو ریپو ریٹ سے جوڑ دیا جائے گا۔ بہرحال، جمعہ کے روز آر بی آئی نے ریپو ریٹ میں اضافہ کا اعلان کیا تھا۔ آر بی آئی گورنر شکتی کانت داس نے جمعہ کو پالیسی پر مبنی شرح یا ریپو ریٹ کو 50 بیسس پوائنٹ بڑھا کر 5.4 فیصد کرنے کا اعلان کیا تھا۔ بڑھتی مہنگائی کو کنٹرول کرنے کے لیے آر بی آئی نے 94 دنوں کے اندر تین بار کُل ریپو ریٹ بڑھانے کا فیصلہ کیا ہے۔

ایک نظر اس پر بھی

پی ایم مودی کی میٹنگ سے نتیش اور چندرشیکھر راؤ رہے غائب

وزیر اعظم نریندر مودی نے اتوار کے روز نیتی آیوگ کی ساتویں گورننگ کونسل کی میٹنگ کی صدارت کی۔ یہ میٹنگ اتوار کو دہلی میں راشٹرپتی بھون کے کلچرل سنٹر میں منعقد ہوئی۔ میٹنگ میں کئی ریاستوں کے وزرائے اعلیٰ نے شرکت کی، لیکن دو بڑے لیڈران یعنی بہار کے وزیر اعلیٰ نتیش کمار اور ...

پارتھا چٹرجی کے 50 بینک کھاتوں کا انکشاف

 انفورسمنٹ ڈائرکٹوریٹ (ای ڈی) نے جو کروڑہا روپئے مالیتی اساتذہ بھرتی اسکام کی تحقیقات کررہا ہے، اس نے پارتھا چٹرجی اور ان کی معاون ارپیتا مکرجی کے کم از کم 50 بینک کھاتوں کا پتہ چلایا ہے، جو وہ انفرادی طور پر یا مشترکہ طور پر چلاتے تھے۔

فضائیہ کے سربراہ نے بنگلورو میں دیسی طیارے کی پرواز بھری

 فضائیہ کے سربراہ (سی اے ایس) ایئر چیف مارشل وی آر چودھری، بنگلورو کے دو روزہ دورے پر تھے۔ انھوں نے تین مقامی پلیٹ فارمز، ہلکا لڑاکا طیارہ (ایل سی اے) تیجس، ہلکا لڑاکا ہیلی کاپٹر (ایل سی ایچ) اور ہندوستان ٹربو ٹرینر -40 (ایچ ٹی ٹی-40) کی پروازیں بھریں، جنھیں آتم نربھر کے تئیں اپنی ...