ریلوے نے 30/ جون تک کاریزرویشن کینسل کیا، اسپیشل ٹرینیں چلتی رہیں گی
نئی دہلی،15؍مئی(ایس او نیوز؍آئی این ایس انڈیا) ریلوے نے 30 جون تک ٹرین ٹکٹ کینسل کر دیئے ہیں۔ اسپیشل ٹرین چلتی رہیں گی۔ اس فیصلے سے مانا جا رہا ہے کہ 30 جون تک ٹرینوں کی عام سروسز بحال نہیں ہوں گی۔ عام طور پر ٹرین کے ٹکٹ 120 دن پہلے تک بک کیے جاسکتے ہیں۔ ایسے میں لاک ڈاؤن سے پہلے ہی بہت ٹکٹ بک کیے جا چکے تھے۔ریلوے نے بتایاہے کہ اگلے حکم تک میل / ایکسپریس،کی سبھی سروسزبندرہیں گی۔مسافروں کے پورے پیسہ کی واپسی کی جائے گی۔ ادھر ریلوے نے بتایاہے کہ آن لائن بکنگ میں 13 مئی سے تمام مسافروں کا منزل کا پتہ بھی لینا شروع کیاگیاہے، تاکہ ضرورت پڑنے پر انھیں ٹریس کرنے میں مدد مل سکے۔ ریلوے نے یہ بھی بتایاہے کہ اگلے سات دن کے لیے خصوصی ٹرینوں میں 2.34 لاکھ مسافروں نے ٹکٹ کی بکنگ کی ہے۔ اس سے 45.30 کروڑ روپے آئے ہیں۔