اعظم گڑھ سے 18 اپریل کو پرچہ نامزدگی داخل کریں گے اکھلیش یادو

Source: S.O. News Service | By Shahid Mukhtesar | Published on 15th April 2019, 11:18 AM | ملکی خبریں |

اعظم گڑھ،15؍اپریل (ایس او نیوز؍یو این آئی) سماجوادی پارٹی(ایس پی) سربراہ و سابق وزیر اعلی اترپردیش اکھلیش یادو اعظم گڑھ پارلیمانی حلقے سے اپنا پرچہ نامزدگی 18 اپریل کو داخل کریں گے۔اعظم گڑھ میں چھٹے مرحلے کے تحت 06 مئی کو ووٹ ڈالے جائیں گے۔

اطلاعات کے مطابق پرچہ نامزدگی داخل کرنے سے قبل مسٹر یادو اتحاد کے سینئر لیڈروں کے ساتھ ایک روڈ شو کریں گے ۔ اور پرچہ نامزدگی داخل کرنے کے بعد اعظم گڑھ کے بٹھولی میں ایک عوامی ریلی کا انعقاد کیا جائے گا۔ یہ تیسری دفع ہے کہ اکھلیش اپنے والد ملائم سنگھ کے ذریعہ چھوڑی گئی پارلیمانی سیٹ سے انتخاب لڑ رہے ہیں اس سے پہلے وہ قنوج اور فیروزآباد سے لوک سبھا انتخابات لڑ چکے ہیں۔جو کہ ملائم سنگھ نے خالی کی تھی۔

اس وقت اعظم گڑھ سے موجودہ رکن پارلیمان ملائم سنگھ یادو اپنی روایتی سیٹ مین پوری سے انتخابی میدان میں ہیں۔2014 کے عام انتخابات میں ملائم نے اعظم گڑھ سے بی جے پی کے راما کانت یادو کو 1.60 لاکھ ووٹوں سے شکست دی تھی۔ اس الیکشن میں رماکانت یادو نے کانگریس میں شمولیت اختیار کرلی ہے اور بھدوہی سے انتخابی میدان میں ہیں۔

اس قبل اکھلیش نے اپنی بیوی ڈمپل یادو کی سیٹ قنوج سے لوک سبھا انتخابات لڑنے کے اشارے دئے تھے لیکن بعد میں انہوں نے ڈمپل کو قنوج سے ایک بار پھر انتخابی میدان میں اتارنے کا فیصلہ کیا اور اپنے والد کی موجودہ سیٹ سے خود انتخابی میدان میں ہیں۔اعظم گڑھ سے اکھلیش کا مقابلہ بھوجپوری اداکار دینیش لال یادو عرف نرہوا سے ہیں۔ نرہوا بی جے پی کے نشان پر انتخابی میدان میں ہے۔

ایک نظر اس پر بھی

الیکشن کمیشن کا حلف نامہ - گجرات میں راجیہ سبھا انتخابات قانون کے مطابق، کمزور پڑ رہی کانگریس 

گجرات میں راجیہ سبھا انتخابات کو لے کر کانگریس کی درخواست پر الیکشن کمیشن نے حلف نامہ داخل کیا ہے الیکشن کمیشن نے دو سیٹوں پر الگ الگ انتخابات کرانے کے اپنے فیصلے کو برقرار رکھا۔

بی ایس این ایل کی حالت خراب؛ ملازمین کو جون کی تنخواہ دینے کے لیے نہیں ہیں رقم

رکاری ٹیلی کام کمپنی بی ایس این ایل نے حکومت کو ایک خط  بھیجا ہے، جس میں کمپنی نے آپریشنز جاری رکھنے میں تقریبا نااہلی ظاہر کی ہے۔کمپنی نے کہا ہے کہ رقم میں  کمی کے سبب کمپنی کے ملازمین کو  جون ماہ کی تنخواہ  تقریبا 850 کروڑ روپے  دے پانا مشکل ہے۔کمپنی پر ابھی قریب 13 ہزار کروڑ ...