راہل گاندھی نے نہیں منائی سالگرہ، بہار میں چمکی بخار سے ہو رہی اموات پر لیا فیصلہ
نئی دہلی، 19 جون(ایس او نیوز/آئی این ایس انڈیا) بہار میں چمکی بخار سے ہو رہی اموات پر کانگریس صدر راہل گاندھی نے بڑا فیصلہ لیا ہے۔راہل گاندھی آج یعنی بدھ کو اپنی سالگرہ خوبصورت طریقے سے نہیں منایا۔صرف پارٹی کارکنوں اور بچوں سے ملاقات کی۔آج راہل کی 49 واں سالگرہ ہے۔راہل گاندھی کانگریس ہیڈکوارٹر پہنچے،یہاں وہ پارٹی کارکنوں سے ملاقات کی۔اس دوران بہت سے پارٹی کارکنان نے راہل سے صدر کے عہدے سے استعفیٰ نہ دینے کی اپیل کی ہے۔کارکنوں کے ساتھ ملاقات کرنے کے بعد راہل بچوں سے ملے۔راہل گاندھی کی سالگرہ کے موقع پر وزیر اعظم نریندر مودی نے بھی انہیں نیک خواہشات دیں۔پی ایم مودی نے ٹویٹ کرتے ہوئے لکھاکہ راہل گاندھی کو سالگرہ مبارک ہو،بھگوان انہیں لمبی زندگی اور اچھی صحت دے۔ کانگریس نے راہل کی سالگرہ کے موقع پر ملک بھر میں پروگرام منعقد کرنے کا اعلان کیا ہے۔دہلی کانگریس ریاستی صدر شیلا دکشت پارٹی دفتر میں درخت لگا کر کارکنوں سے خطاب کریں گی۔کانگریس چیف راہل گاندھی کی پیدائش 19 جون، 1970 کو ہوئی تھی۔راہل گاندھی پہلی بار سال 2004 میں امیٹھی سے ممبر پارلیمنٹ بنے تھے۔اس کے بعد 2009 اور 2014 میں بھی عوام نے انہیں جتا کر پارلیمنٹ بھیجا لیکن 2019 کے انتخابات ان کے لئے کسی صدمے سے کم نہیں رہا،انہیں کانگریس کے گڑھ امیٹھی میں بی جے پی امیدوار اسمرتی ایرانی کے ہاتھوں شکست کا سامنا کرنا پڑا،اگرچہ راہل گاندھی نے کیرالہ کے وایناڈ سے بھاری ووٹوں سے کامیابی حاصل کی۔