کاروار، 26 / اگست (ایس او نیوز) شہر کے ہری دیو نگر علاقے میں آج دوپہر پیش آئے ایک المناک حادثہ میں کھیلتی ہوئی ایک معصوم بچی کنویں میں گرنے سے ہلاک ہوگئی ۔ 
    
کنویں میں ڈوبنے سے ہلاک ہوئی بچی کا نام ستوتی (3 سال) ہے ۔ بتایا جاتا ہے کہ گھر سے باہر کھیلتی ہوئی بچی قریب میں واقع ایک کنویں میں مٹی پھینک رہی تھی جس کے دوران توازن بگڑنے کی وجہ سے وہ کنویں میں گر گئی ۔ معلوم ہوا ہے کہ شہری بلدیہ کی طرف سے عام استعمال کے لئے کھودے گئے کنویں کے اطراف کی رکاوٹی دیوار بہت ہی نیچی تھی جس کی وجہ سے بچی توازن بگڑتے ہی سیدھے کنویں میں گر گئی ۔ اس کے علاوہ محلے کے لوگوں کا کہنا ہے کہ اتنی چھوٹی بچی کو کھیلنے کے لئے ماں کی طرف سے گھر کے باہر اکیلے چھوڑنا ہی مہنگا پڑ گیا اور بچی کو جان سے ہاتھ دھونا پڑا ۔