ٹیکہ کاری کے معاملہ میں دنیا کے 89 ممالک ہندوستان سے آگے: کپل سبل

Source: S.O. News Service | Published on 17th June 2021, 11:46 PM | ملکی خبریں |

نئی دہلی،17؍جون (ایس او نیوز؍ایجنسی) کانگریس لیڈر کپل سبل نے بی جے پی پر ٹیکہ کاری کے معاملہ میں سیاست کرنے کا الزام عائد کیا ہے اور ہندوستان کو ٹیکہ کاری کے معاملہ میں دنیا میں 89 ممالک سے پیچھے قرار دیا۔ اس سے قبل اس معاملہ پر پی اے سی (پبلک اکاؤنٹ کمیٹی) میں بحث کرنے کی برسراقتدار جماعت کے ارکان پارلیمنٹ نے مخالفت کی تھی۔

کانگریس لیڈر کپل سبل نے جمعرات کے روز ٹوئٹ کیا، ’’ہر چیز میں سیاست ہے۔ ٹیکہ لگوا چکی آبادی کے حساب سے 24 مئی کو 75 ممالک ہندوستان سے آگے، یکم جون کو 81 ممالک ہندوستان سے آگے، 17 جون کو 89 ممالک ہندوستان سے آگے۔‘‘ انہوں نے کہا ’’ہندوستان میں صرف 3.5 فیصد آبادی کو ہی ٹیکے دیئے گئے ہیں۔ جبکہ پی اے سی میں بی جے پی نے ٹیکہ کاری پالیسی پر بحث کی مخالفت کی۔‘‘

ادھر، حکومت نے بدھ کے روز اطلاع دی کہ ہندوستان میں 26.53 کروڑ سے زیادہ افراد کو حفاظتی ٹیکے دیئے جا چکے ہیں۔ بدھ کے روز 18 سے 44 سال کے زمرے کی کل 2067085 پہلی خوراکیں فراہم کی گئیں جبکہ 67447 افراد نے دوسری خوراک حاصل کی۔ مجموعی طور پر 37 ریاستوں اور مرکز کے زیر انتظام علاقوں میں 47206953 افراد نے پہلی خوراک حاصل کر لی ہے اور ٹیکہ کاری کے تیسرے مرحلہ کی شروعات کے بعد سے کل 968098 لوگوں نے اپنی دوسری خوراک حاصل کی ہے۔

بہار، دہلی، گجرات، ہریانہ، جھارکھنڈ، کرناٹک، کیرالہ، مدھیہ پردیش، مہاراشٹر، راجستھان، تمل ناڈو، تلنگانہ، اوڈیشہ، اتر پردیش اور مغربی بنگال میں 18-44 سال کے زمرے کے 10 لاکھ سے زیادہ افراد کو پہلی خوراک فراہم کی گئی ہے۔

ایک نظر اس پر بھی

زوردار بارش کے دوران مدھیہ پردیش کے بھِنڈ میں ڈسٹرکٹ جیل کی دیوار منہدم، 22 قیدی زخمی، 2 کی حالت نازک

 مدھیہ پردیش کے ضلع بھِنڈ میں ہفتہ کی صبح اس وقت ایک بڑا حادثہ پیش آیا جب ضلع جیل کی ایک خستہ حال دیوار موسلادھار بارشوں کے دوران بھربھرا کر گر گئی۔ اس سے بیرک نمبر 6 میں قید 22 قیدی زخمی ہو گئے، جن میں سے 2 کی حال نازک بتائی جا رہی ہے۔

سی بی ایس ای 12 ویں کلاس کے نتائج :ختم ہوا انتظار

  آخر کار طویل انتظار کے بعد ، سنٹرل بورڈ آف سیکنڈری ایجوکیشن (سی بی ایس ای) نے 12 ویں کلاس کے نتیجہ جاری کر دیے ہیں۔ طلباء اپنے نتائج ویب سائٹ cbseresults.nic.in ، cbse.gov.in پر دیکھ سکتے ہیں۔ اس سال 99.37فیصد طلبہ کامیاب ہوئے ہیں۔

گئوشالہ میں 50 سے زائد گایوں کی موت پر ہنگامہ، تحقیقات شروع

گئوشالاؤں میں موجود گایوں کی دیکھ بھال کے نام پر سرکاری امداد حاصل کرنے اور اس کو ہضم کر جانے کے کئی معاملے سامنے آ چکے ہیں۔ تازہ معاملہ راجستھان کے ضلع جیسلمیر کا ہے جہاں رام گڑھ واقع کوہریوں کا گاؤں علاقہ میں چل رہی 200 گایوں پر مشتمل گئوشالہ میں تقریباً 50 سے زائد گایوں کے ...

ذات پر مبنی مردم شماری کے حق میں ہیں نتیش کمار، پی ایم مودی کو جلد لکھیں گے خط

بہار کے وزیراعلیٰ نتیش کمار نے اپوزیشن لیڈر تیجسوی یادو کو ایک ملاقات کے دوران یقین دلایا کہ وہ ذات پر مبنی مردم شماری کے لیے وزیر اعظم نریندر مودی کو خط لکھیں گے اور ساتھ ہی قانونی طریقے پر بھی غور کریں گے۔

ہندوستان میں کورونا کے یومیہ معاملات میں معمولی کمی، 41649 نئے کیسز، 591 مریضوں کی موت

  ملک میں کورونا وائرس (کووڈ 19) کے یومیہ سامنے آنے والے معاملات میں معمولی کمی آئی ہے، تاہم نئے کیسز کی تعداد 40 ہزار سے زیادہ رہی۔ دریں اثنا ، جمعہ کو 52 لاکھ 99 ہزار 36 افراد کو کورونا کی ویکسین لگائی گئی۔ اب تک ملک میں 46 کروڑ 15 لاکھ 18 ہزار 479 افراد کو ویکسین دی جا چکی ہے۔