نتیش سرکار میں 80ہزار کروڑ کا نیا گھوٹالہ؟

Source: S.O. News Service | Published on 7th December 2021, 11:53 AM | ملکی خبریں |

پٹنہ، 7؍دسمبر(ایس او نیوز؍ایجنسی)کیا بہار حکومت نے 80ہزار کروڑ روپے کا گھوٹالہ کیا ہے؟ یہ سوال اس لیے اٹھایا جارہا ہے کیونکہ کمپٹرولر اینڈ آڈیٹر جنرل(سی اے جی)نے کہا ہے کہ ریاستی حکومت نے بار بار جمع کرانے کے باوجود 79,690 کروڑ روپے کے استعمال کا سرٹیفکیٹ نہیں دیا ہے۔سی اے جی نے دوسری کئی طرح کی خامیوں کی بھی نشاندہی کی ہے اور کہا ہے کہ 9,155 کروڑ کی پیشگی رقم کا ڈی سی بل پیش نہیں کیا گیا ہے۔ اکاؤنٹنٹ جنرل نے خدشہ ظاہر کیا ہے کہ یہ پورا معاملہ رقم کے غبن اور غبن کے خطرے سے بھرا ہو سکتا ہے۔بہار کے وزیر خزانہ اور نائب وزیر اعلیٰ ترکیشور پرساد نے سی اے جی کی یہ رپورٹ بہار قانون ساز اسمبلی میں پیش کی۔ سی اے جی کی اس رپورٹ کے مطابق ریاستی حکومت کی طرف سے دیے گئے تقریباً 18,872 کروڑ روپے کے استعمال کا پچھلے کئی سالوں سے آڈٹ نہیں ہوا ہے۔اس کے علاوہ اس رپورٹ میں پہلی بار 2019-20 کے دوران 1784 کروڑ کے محصولاتی خسارے کی تصدیق کی گئی ہے۔ اس کے علاوہ ریونیو کی وصولی میں 7561 کروڑ کی کمی ہوئی جو بجٹ تخمینہ سے 29.71 فیصد کم تھی۔انہوں نے کہا ہے کہ سی اے جی کی رپورٹ میں کوئی حیران کن بات نہیں ہے۔ حکومت نے وضاحت کی ہے کہ جہاں تک 80 ہزار کروڑ کے اخراجات کا حساب نہ دینے کا ذکر ہے، اس کا تعلق پنچایتی راج یا تعلیم یا سماجی بہبود کے محکمے سے ہے۔ یہ کئی سالوں سے زیر التوا ہے لیکن یہ کہنا غلط ہے کہ رقم کا غبن ہوا ہے۔ حکومت نے یہ بھی کہا ہے کہ اس کے بہت سے کاموں کا کئی دہائیوں سے آڈٹ نہیں ہوا ہے اور اس رقم کو ایڈجسٹ کرنا انتہائی مشکل ہے۔

ایک نظر اس پر بھی

ہندوستان کورونا کے 2.86 لاکھ نئے کیسز، ایکٹو کیسز 22 لاکھ سے متحاوز

ملک میں کورونا وائرس کے کیسز میں ایک بار پھر تیزی دکھائی دے رہی ہے۔ جمعرات کو بھی کورونا کے نئے کیسز 3 لاکھ کے قریب درج ہوئے ۔ گزشتہ 24 گھنٹوں کے دوران ملک بھر میں 2,86,384 نئے کیسز رپورٹ ہوئے ہیں۔ تاہم کل کے مقابلے میں کیسز میں صرف معمولی اضافہ درج کیا گیا۔

طلبہ کے خلاف کارروائی پرنتیش کمارخاموش کیوں؟ کوچنگ مراکزکی حمایت میں آرجے ڈی،مانجھی نے بھی وارننگ دی

آر آر بی این ٹی پی سی امتحان کو لے کر بہار کے کئی اضلاع میں ہنگامہ آرائی کے بعد آر جے ڈی نے کوچنگ آپریٹروں کے خلاف درج ایف آئی آر کی سخت مخالفت کی ہے۔ آر جے ڈی لیڈرنے مطالبہ کیا ہے کہ پولیس اساتذہ کے بجائے ریلوے ریکروٹمنٹ بورڈکے عہدیداروں کے خلاف مقدمہ درج کرے۔ اس کے ...

طلبہ نے بہاربندکااعلان کیا،مہاگٹھ بندھن نے حمایت کی

این ٹی پی سی امتحان میں دھاندلی پر طلباء کا غصہ تھمنے کا نام نہیں لے رہا ہے۔ طلبہ نے جمعہ 28 جنوری کو بہار بند کی کال دی ہے۔ آر جے ڈی سمیت عظیم اتحاد کی تمام جماعتوں نے طلبہ کے بند کی حمایت کا اعلان کیا ہے۔جمعرات کوعظیم اتحادسے مشترکہ طور پر آر جے ڈی کے ریاستی دفتر میں پریس ...

مالیگاؤں 2008 بم دھماکہ معاملہ : اے ٹی ایس کی موجودگی سے بھگوا ملزمین سراپا احتجاج

مالیگائوں 2008 بم دھماکہ معاملے میںآج ایک بڑی اور اہم پیش رفت ہوئی ، بم دھماکہ متاثرین اور سابق وزیر نسیم خان کی کوششوں سے آج خصوصی این آئی اے عدالت میں انسدا ددہشت گرد دستہ کے دو سینئر افسران حاضر ہوئے اور خصوصی این آئی اے جج سے کہا کہ انہیں اے ٹی ایس چیف نے ہدایت دی ہیکہ وہ ...

یوپی اسمبلی انتخابات: بی ایس پی کی نئی فہرست جاری، کندرکی سے محمد رضوان اور نواب گنج سے یوسف خان امیدوار

 اتر پردیش میں اسمبلی انتخابات کے دوران بہوجن سماج پارٹی (بی ایس پی) نے جمعرات کو اپنے چھ امیدواروں کی فہرست جاری کی ہے۔ بی ایس پی نے دو سیٹوں پر اپنے امیدواروں کو تبدیل کر دیا ہے، جبکہ چار نئی سیٹوں پر امیدواروں کا اعلان کیا ہے۔ نئی فہرست میں سب سے زیادہ توجہ بریلی ضلع پر مرکوز ...

ٹوئٹر کو ’آئیڈیا آف انڈیا‘ کی تباہی کا مہرہ نہ بننے دیں، سی ای او پراگ اگروال کے نام راہل گاندھی کا مکتوب

 کانگریس کے سابق صدر راہل گاندھی نے ٹوئٹر کے سی ای او پراگ اگروال کو مکتوب ارسال کرتے ہوئے اپیل کی ہے کہ وہ ٹوئٹر کو ’آئیڈیا آف انڈیا‘ (ہندوستان کے خیال) کی تباہی کا مہرہ بننے سے روکیں۔