ٹیکہ لگوانے کے بعد کورونا سے متاثر ہونے والوں کی شرح انتہائی کم ، حکومت نے پہلی بار اعداد و شمار جاری کئے ، ایک ہزار میں 2 سے 4 افراد ہی ایسے ہیں جو ٹیکہ کے بعد بھی کووڈ کا شکار ہوئے
نئی دہلی،22؍اپریل (ایس او نیوز؍ایجنسی) کورونا کا ٹیکہ لگوانے کے بعد کوڈ کا شکار ہوجانے کے تعلق سے عوام میں پائی جارہی بے چینی کے درمیان مرکزی حکومت نے بدھ کو پہلی بار اعداد وشمار جاری کر کے بتایا ہے کہ ایسے معاملات انتہائی کم ہیں۔
انڈین کونسل فارمیڈ یکل ریسرچ ( آئی سی ایم آر) کے ڈائریکٹر جزل بلرام بھارگو نے بتایا کہ ’’ٹیکہ لگوانے کے بعد ایک ہزار میں2 سے4 افراد کے ساتھ ہی ایسا ہوا ہے کہ وہ کورونا سے متاثر ہوۓ ہیں۔ یہ بہت ہی معمولی تعداد ہے اس لئے فکر مند ہونے کی کوئی ضرورت نہیں ہے۔“انہوں نے بتایا کہ جن لوگوں نے بھا رت یو ٹیک کا بنایا ہوا ٹیکہ کو دیکسین لیا تھا ان میں کورونا سے متاثر ہونے کی شرح%0.04 فیصد ہے۔
مرکزی وزارت صحت کے اعدادوشمار کے مطابق کو دیکسین کا پہلا ٹیکہ لینے والے 93 لاکھ 56ہزار436افراد میں سے4 ہزار208 کورونا پازیٹیو پائے گئے ہیں۔ تقریبا اتنے ہی لوگ دوسرا ٹیکہ لینے کے بعد بھی کووڈ ۔19 سے متاثر ہوۓ ہیں۔ جن 17 لاکھ37 ہزار78 افرادنے کوویکسین کے دونوں ڈوز لئے ہیں ان میں سے 695 افراد پازیٹیو پاۓ گئے ہیں۔
آکسفورڈ کی ایجاد کردہ کووی شیلڈ جسے پونے کا سیرم انسٹی ٹیوٹ بنار ہا ہے اس کا ٹیکہ لینے والوں میں کورونا سے متاثر ہونے کی شرح کودیکسین کے مقابلے میں بھی کم ہے۔ کووی شیلڈ کا پہلا ٹیکہ لینے والوں میں سے صرف 0.02فیصد ہی کورونا سے متاثر ہوۓ ہیں۔ دوسرے ڈوز کے بعد کورونا پازیٹیوآ نے والوں کا فیصد0.03 ہے۔ حکومت نے اطمینان دلا یا ہے کہ یہ اعداد وشمار ثابت کرتے ہیں کہ کورونا کا ٹیکہ محفوظ اور بااثر ہے نیز کورونا کی وبا سے مقابلہ کرنے کیلئے زیادہ سے زیادہ لوگوں کو ٹیکہ لینا چاہئے۔