پاکستان کے سندھ میں سڑک حادثے میں 12 افراد جاں بحق، 11 زخمی
سندھ، 12/اکتوبر (ایس او نیوز /ایجنسی) پاکستان کے جنوبی صوبہ سندھ کے ضلع خیرپور میں بدھ کی شام ایک سڑک حادثے میں کم از کم 12 افراد ہلاک اور 11 دیگر زخمی ہوگئے۔ یہ اطلاع ایک افسر نے دی۔
ڈسٹرکٹ ڈپٹی کمشنر احمد فواد شاہ نے میڈیا کو بتایا کہ خیرپور کے علاقے بابرلوئی بائی پاس کے قریب مسافر وین اور کار میں تصادم ہوا جس کے نتیجے میں 7 افراد موقع پر جاں بحق اور 16 زخمی ہوگئے۔پولیس اور امدادی ٹیموں نے موقع پر پہنچ کر لاشوں اور زخمیوں کو قریبی اسپتال منتقل کیا۔
افسران نے بتایا کہ زخمیوں میں سے پانچ اسپتال میں علاج کے دوران دم توڑ گئے، جس سے مرنے والوں کی تعداد 12 ہوگئی۔ اہلکار نے خدشہ ظاہر کیا کہ مرنے والوں کی تعداد میں مزید اضافہ ہوسکتا ہے کیونکہ بعض زخمیوں کی حالت اب بھی تشویشناک ہے۔افسر کے مطابق مسافر وین سکھر سے خیرپور جارہی تھی کہ سامنے سے آنے والی کار سے ٹکرا گئی۔