ہندوستان نے اقوام متحدہ میں فلسطینی ریاست کی رکنیت کے حق میں ووٹ دیا

Source: S.O. News Service | Published on 11th May 2024, 10:08 AM | ملکی خبریں | عالمی خبریں |

ہیگ، 11/مئی (ایس او نیوز /ایجنسی) ہندوستان نے جمعہ کو اقوام متحدہ کی جنرل اسمبلی کی قرارداد کے مسودے کے حق میں ووٹ دیا جس میں کہا گیا تھا کہ فلسطین اہل ہے اور اسے اقوام متحدہ کا مکمل رکن کے طور پر تسلیم کیا جانا چاہئے اور سلامتی کونسل کو اس معاملے پر فلسطین کے حق میں دوبارہ غور کرنے کی سفارش کی گئی ہے۔ ۱۹۳؍رکنی جنرل اسمبلی کاصبح ایک ہنگامی خصوصی اجلاس ہوا جہاں اقوام متحدہ میں ریاست فلسطین کی مکمل رکنیت کی حمایت میں عرب گروپ کی قرارداد `اقوام متحدہ میں نئے اراکین کی شمولیت پیش کی گئی۔ قرارداد کے حق میں بشمول ہندوستان۱۴۳؍ووٹ پڑےجبکہ ۹؍، مخالفت میں اور ۲۵؍ غیر حاضر رہے۔ ووٹ ڈالنے کے بعد یو این جی اے ہال تالیوں سے گونج اٹھا۔ قرارداد میں طے کیا گیا کہ ریاست فلسطین رکنیت کے لیے اہل ہے۔ 

ہندوستان پہلی غیر عرب ریاست تھی جس نے ۱۹۷۴ءمیں فلسطین لبریشن آرگنائزیشن کو فلسطینی عوام کے واحد اور جائز نمائندے کے طور پر تسلیم کیا، ہندوستان۱۹۸۸ءمیں بھی فلسطین کی ریاست کو تسلیم کرنے والے اولین ممالک میں سے ایک تھا اور ۱۹۹۶ءمیں دہلی نے غزہ میں فلسطینی اتھارٹی کا نمائندہ دفترکا افتتاح کیا۔ جسے بعد میں ۲۰۰۳ءمیں رام اللہ منتقل کر دیا گیا۔ 

اس ماہ کے شروع میں، اقوام متحدہ میں ہندوستان کی مستقل مندوب روچیرا کمبوج نے کہا تھا کہ’’ اقوام متحدہ میں رکنیت کے لیے فلسطین کی درخواست کو سلامتی کونسل میں ویٹو کی وجہ سے منظور نہیں کیا گیا تھا۔ میں یہاں شروع میں یہ بتانا چاہوں گا کہ ہندوستان کے دیرینہ موقف کو مدنظر رکھتے ہوئے، ہم امید کرتے ہیں کہ اس پر مناسب وقت پر دوبارہ غور کیا جائے گا اور فلسطین کی اقوام متحدہ کا رکن بننے کی کوشش کی توثیق ہو جائے گی۔ ‘‘قرارداد کے ایک ضمیمہ میں کہا گیا ہے کہ ریاست فلسطین کی شرکت کے اضافی حقوق اور مراعات اس سال ستمبر میں شروع ہونے والے جنرل اسمبلی کے ۷۹؍ویں اجلاس سے موثر ہوں گے۔ 

ان میں رکن ممالک کے درمیان حروف تہجی کی ترتیب میں بیٹھنے کا حق شامل ہے: کسی گروپ کی جانب سے بیان دینے کا حق، بشمول بڑے گروپوں کے نمائندوں کے درمیان؛ ریاست فلسطین کے وفد کے ارکان کا جنرل اسمبلی کی پلینری اور مین کمیٹیوں میں بطور افسر منتخب ہونے کا حق اور اقوام متحدہ کی کانفرنسوں اور بین الاقوامی کانفرنسوں اور اجلاسوں میں مکمل اور موثر شرکت کا حق۔ فلسطین، ایک مبصر ریاست کی حیثیت سے، جنرل اسمبلی میں ووٹ ڈالنے یا اقوام متحدہ کے اداروں کے سامنے اپنی امیدواری پیش کرنے کا حق نہیں رکھتا۔ 

اپریل میں فلسطین نے اقوام متحدہ کے سکریٹری جنرل انتونیو گوتریس کو ایک خط بھیجا تھا جس میں درخواست کی گئی تھی کہ اقوام متحدہ کی مکمل رکنیت کے لیے اس کی درخواست پر دوبارہ غور کیا جائے۔ کسی ریاست کو اقوام متحدہ کی مکمل رکنیت حاصل کرنے کیلئے، اس کی درخواست کو سلامتی کونسل اور جنرل اسمبلی دونوں سے منظور کیا جانا چاہیے، جہاں ریاست کو مکمل رکنیت دینے کے لیے دو تہائی ارکان کی موجودگی اور ووٹنگ کی ضرورت ہوتی ہے۔ گزشتہ ماہ امریکا نے سلامتی کونسل میں فلسطین کو اقوام متحدہ کی مکمل رکنیت دینے کی قرارداد کو ویٹو کر دیا تھا۔ ۱۵؍ملکی کونسل نے ایک مسودہ قرارداد پر ووٹ دیا تھا جس میں اقوام متحدہ کی ۱۹۳؍رکنی جنرل اسمبلی سے سفارش کی گئی تھی کہ ریاست فلسطین کو اقوام متحدہ میں رکنیت عطا کی جائے۔

قرارداد کے حق میں ۱۲؍ووٹ پڑے، سوئٹزرلینڈ اور برطانیہ نے حصہ نہیں لیا اور امریکا نے اسے ویٹو کر دیا۔ منظور کیے جانے کے لیے، مسودہ قرارداد کے لیے کونسل کے کم از کم نو اراکین کو اس کے حق میں ووٹ دینے کی ضرورت تھی، اس کے پانچ مستقل اراکین - چین، فرانس، روس، برطانیہ اور امریکہ میں سے کسی کے ویٹو کے بغیر۔ فی الحال، فلسطین اقوام متحدہ میں ایک غیر رکن مبصر ریاست ہے، یہ درجہ اسے ۲۰۱۲میں جنرل اسمبلی نے دیا تھا۔ یہ درجہ فلسطین کو عالمی ادارے کی کارروائیوں میں حصہ لینے کی اجازت دیتا ہے لیکن وہ قراردادوں پر ووٹ نہیں دے سکتا۔ واضح رہے کہ اقوام متحدہ میں واحد دوسری غیر رکن مبصر ریاست ہولی سی ہے، جو ویٹیکن کی نمائندگی کرتی ہے۔

ایک نظر اس پر بھی

بیرون ملک سے غیر قانونی اور نامناسب چندہ لینے کے الزامات بے بنیاد، انتخابات کی وجہ سے لگائے جا رہے: عآپ

عام آدمی پارٹی پر بیرون ملک سے غیر قانونی اور نامناسب چندہ لینے کے الزامات عائد کئے گئے ہیں۔ عام آدمی پارٹی نے ان الزامات کو مکمل طور پر بے بنیاد اور جھوٹا قرار دیا ہے۔ عام آدمی پارٹی کا کہنا ہے کہ یہ برسوں پرانا الزام ہے۔ ان تمام باتوں پر عام آدمی پارٹی وزارت داخلہ، الیکشن ...

دہلی-این سی آر میں شدید گرمی کا سلسلہ جاری، درجہ حرارت 47 ڈگری سے متجاوز، محکمہ موسمیات نے جاری کیا الرٹ

دہلی شدید گرمی کی لپیٹ میں ہے اور آئی ایم ڈی نے جمعہ تک انتہائی درجہ حرارت کو لے کر ریڈ الرٹ جاری کیا ہے۔ گرمی اس حد تک تباہی مچا رہی ہے کہ پیر کو بھی دہلی کے کچھ حصوں میں درجہ حرارت 47 ڈگری سیلسیس کو پار کر گیا تھا۔ دریں اثنا، محکمہ موسمیات نے قومی راجدھانی میں گرمی کی لہر کے حالات ...

بی جے پی کیجریوال پر حملہ کرا سکتی ہے؛ عآپ رکن پارلیمنٹ سنجے سنگھ کا سنگین الزام

عآپ کے سینئر لیڈر اور راجیہ سبھا رکن سنجے سنگھ نے بی جے پی پر سنگین الزام عائد کرتے ہوئے کہا ہے کہ بی جے پی کیجریوال پر قاتلانہ حملہ کروانے کی سازش تیار کر رہی ہے۔ ان کا کہنا ہے کہ ’’کیجریوال کے جیل سے باہر آنے سے بی جے پی بوکھلائی ہوئی ہے۔ اب یہ لوگ کیجریوال پر قاتلانہ حملہ ...

کیجریوال کی خودسپردگی سے قبل ہی ای ڈی عدالت پہنچ گئی، عبوری ضمانت ختم ہوتے ہی حراست کا مطالبہ

 دہلی کے وزیر اعلی اروند کیجریوال کو سپریم کورٹ نے مبینہ دہلی آبکاری پالیسی گھوٹالہ سے متعلق منی لانڈرنگ کیس میں 10 مئی کو عبوری ضمانت دی تھی۔ انہیں 2 جون کو عدالت میں خودسپردگی کرنی ہے۔ مگر ان کی خودسپردگی سے قبل ہی ای ڈی انہیں حراست میں لینے کے لیے عدالت پہنچ گئی۔ ای ڈی ...

ایران میں نئے صدر کا انتخاب 28 جون کو، رئیسی ہیلی کاپٹر حادثے کی تحقیقات شروع

ایرانی صدر ابراہیم رئیسی کے انتقال کے بعد ایران میں نئے صدر کے انتخاب کی تاریخ کا اعلان کر دیا گیا ہے۔ نئے صدر کا  انتخاب 28 جون کو کیا جائے گا۔ ایرانی حکومت نے صدارتی ہیلی کاپٹر حادثے کی تحقیقات کے لیے اعلیٰ حکام کی ایک ٹیم بھی تشکیل دی ہے۔

ایرانی صدرابراہیم رئیسی اور وزیر خارجہ حُسین امیر عبداللہیان ہیلی کاپٹر حادثے میں جاں بحق

ایرانی  صدر ابراہیم رئیسی اور ایرانی وزیرخارجہ حسین امیر عبداللہیان ہیلی کاپٹر حادثے میں جاں بحق ہوگئے۔ بتایا گیا ہے کہ پیر  صبح حادثے کا شکار ہیلی کاپٹر کا ملبہ مل گیا جس کے بعد ایرانی صدر اور ہیلی کاپٹر پر سوار افراد کے بچ جانے کی امیدیں دم توڑ گئیں ۔

افغانستان: سیلابی صورتحال، 300؍ افراد ہلاک، سیکڑوں لاپتہ

بغلان میں نیچرل ڈیزاسٹر مینجمنٹ کے صوبائی ڈائریکٹر ہدایت اللہ ہمدرد کے مطابق، سیلاب نے کئی اضلاع میں گھروں اور املاک کو نقصان پہنچایا ہے۔ انہوں نے مزید کہا کہ مرنے والوں کی تعداد ابتدائی تھی اور بہت سے لوگ لاپتہ ہونے کی وجہ سے اس میں اضافہ ہو سکتا ہے۔