بہار کے کورجی مسجد سے حراست میں لئیے گئے 10؍غیر ملکی تبلیغی جماعت کے ساتھیوں میں کورونا وائرس کے کوئی نشان نہیں!
پٹنہ،25؍مارچ (ایس او نیوز؍ایجنسی) پٹنہ کے تھانہ دیگھا علاقہ کے کورجی محلہ میں ایک مسجد سے حراست میں لئے گئے 10 غیر ملکی مذہبی مبلغین کی تفتیش میں کورونا وائرس کے کوئی نشان نہیں پائے جانے کے بعد پولیس نے انہیں رہا کردیا۔
دیگھا پولیس اسٹیشن انچارج منوج کمار نے بتایا کہ مقامی لوگوں کی شکایت پر ان لوگوں کو تفتیش کے لئے پٹنہ ایمس بھیج دیا گیا تھا، لیکن انہیں کورونا وائرس کے کوئی نشان نہیں ملنے کے بعد رہا کردیا گیا ہے۔ یہ تمام افراد کو غزستان کے رہاشی ہیں، جو کہ 26؍ جنوری کو نئی دہلی نظٓام الدین مرکز آئے تھے اور پٹنہ کے پیر بھور اور پھلواری شریف علاقوں میں تبلیغی دعوت دینے کے بعد پیر کی صبح کورجی مسجد پہنچے تھے۔ ان غیر ملکی شہریوں کے ساتھ، راہبر (رہنما) بطور اُتر پردیش کے دو اور لوگ بھی تھے۔
دوسری طرف بہار کے نائب وزیر اعلیٰ سشیل کمار مودی نے پیر کے روز کہا کہ ریاستی حکومت نے کورونا وائرس کے انفیکشن کی روک تھام کے لئے ریاست میں لوگوں کی نقل و حرکت پر پابندی کی وجہ سے جی ایس ٹی ادا نہ کرنے والوں کے بینک اکاؤنٹ کو منسلک کرنے کا ابتدائی حکم دیا تھا ۔ اگلے حکم تک واپس لینے کا فیصلہ کیا گیا ہے۔
سشیل کمار نے کہا کہ بینکوں کو ریاست کے 8033 ٹیکس دہندگان کے اکاؤنٹ منسلک کرنے کی ہدایت کی گئی تھی۔ جی ایس ٹی کے تحٹ 375 کروڑ کی بقایا سنٹرل سیلز ٹیکس اور انٹری ٹیکس ایکٹ کے تحت 4248 نوٹیفیکیشن جاری رقم کے لئے کردیئے گئے تھے جو اگلے احکامات تک ملتوی کردیئے گئے ہیں۔