ಶಿಡ್ಲಘಟ್ಟ,ಜನವರಿ03: ನಗರದ ಕೋಟೆ ವೃತ್ತದಲ್ಲಿರುವ ಹಾಸಿಗೆಗಳ ಅಂಗಡಿಗೆ ಆಕಸ್ಮಿಕವಾಗಿ ಬೆಂಕಿ ಬಿದ್ದು ಸುಮಾರು 50 ಸಾವಿರ ನಷ್ಟವಾಗಿರುವ ಘಟನೆ ವರದಿಯಾಗಿದೆ.

    ನಗರದ ಕೋಟೆ ವೃತ್ತದಲ್ಲಿರುವ ಅಶ್ರಫ್ ಅಲೀ ಎಂಬುರಿಗೆ ಸೇರಿದ ಎಂ.ಡಿ.ಬೆಡ್ಡಿಂಗ್ ಹೌಸ್ ಹಾಸಿಗೆಗಳ ಅಂಗಡಿಗೆ ಬೆಂಕಿ ಬಿದ್ದಿದೆ ಇದರಿಂದ ಅಂಗಡಿಯಲ್ಲಿ ಹತ್ತಿಗೆ ಸಹ ಬೆಂಕಿ ವ್ಯಾಪಿಸಿದ್ದರಿಂದ ಬೆಂಕಿಯ ಜ್ವಾಲೆಯನ್ನು ಅಗ್ನಿಶಾಮಕದಳದ ಸಿಬ್ಬಂದಿ ನಂದಿಸಿ ಆಗಬಹುದಾದ ಅನಾಹುತವನ್ನು ತಪ್ಪಿಸಿದ್ದಾರೆ.    
    ಶಿಡ್ಲಘಟ್ಟ ನಗರದ ಜನಸಂದಣೆ ಪ್ರದೇಶದ ಅಂಗಡಿಯಲ್ಲಿ ಆಕಸ್ಮಿಕವಾಗಿ ಬೆಂಕಿ ಕಾಣಿಸಿಕೊಂಡಿದನ್ನು ನೆರೆಹೊರೆಯರು ನೀರಿನ ಮೂಲಕ ಬೆಂಕಿಯನ್ನು ನಂದಿಸಲು ಪ್ರಯತ್ನ ನಡೆಸಿದ್ದಾರೆ ಅದಾಗಿಯೂ ಬೆಂಕಿಯನ್ನು ನಿಯಂತ್ರಣ ಮಾಡಲು ಸಾಧ್ಯವಾಗದಿದ್ದರಿಂದ ಅಗ್ನಿಶಾಮಕದಳದ ಸಿಬ್ಬಂದಿ ಬೆಂಕಿಯನ್ನು ನಂದಿಸಿದ್ದಾರೆ.