ಶಿವಮೊಗ್ಗ:ಸಾರಿಗೆ ಇಲಾಖೆಯಿಂದ ಹಮ್ಮಿಕೊಳ್ಳಲಾದ 31ನೇ ಸಾರಿಗೆ ಸಪ್ತಾಹದ ಅಂಗವಾಗಿ ‘ಯುವ ಶಕ್ತಿಯ ಮೂಲಕ ಬದಲಾವಣೆ ತರೋಣ’ ಎಂಬ ಘೋಷಣೆಯಡಿ ಕಾಲೇಜು ವಿದ್ಯಾರ್ಥಿಗಳಿಂದ ಮೋಟರ್ ಸೈಕಲ್ ಜಾಥಾಕ್ಕೆ ಅಪರ ಜಿಲ್ಲಾಧಿಕಾರಿ ಜಿ.ಅನುರಾಧ ಅವರು ಚಾಲನೆ ನೀಡಿದರು.
ಜಾಥದಲ್ಲಿ ಪ್ರಮುಖರಾದ ಹೆಚ್ಚುವರಿ ಜಿಲ್ಲಾ ರಕ್ಷಣಾಧಿಕಾರಿ ಹೆಚ್.ಪಿ. ಶೇಖರ್, ದೀಪಕ್, ಪ್ರಸಾದ್, ಕಮಲ ನೆಹರು ಕಾಲೇಜಿನ ಪ್ರಾಂಶುಪಾಲೆ ಪಾರ್ವತಮ್ಮ, ಉಪನ್ಯಾಸಕರುಗಳು ಹಾಗೂ ವಿದ್ಯಾರ್ಥಿಗಳು ಉಪಸ್ಥಿತರಿದ್ದರು.
ಜಾಥವು ಕಸ್ತೂರಿ ಬಾ ಮಹಿಳಾ ಕಾಲೇಜಿನಿಂದ ಗೋಪಿ ಸರ್ಕಲ್, ಅಮೀರ್ ಅಹ್ಮದ್ ವೃತ್ತಿ, ವೀರಭದ್ರೇಶ್ವರ ಚಿತ್ರ ಮಂದಿರ ಮಾರ್ಗ ಮೂಲಕ ಕಾಲೇಜು ಆವರಣದಲ್ಲಿ ಸಂಪನ್ನಗೊಂಡಿತ್ತು.