ಬೆಂಗಳೂರು: 681 ಕೆಜಿ ಗಾಂಜಾ ವಶ; 8 ಮಂದಿ ಸೆರೆ
ಬೆಂಗಳೂರು: ಗಾಂಜಾ ಮಾರಾಟ ಮಾಡುತ್ತಿದ್ದ 8 ಮಂದಿ ಆರೋಪಿಗಳನ್ನು ಬಂಧಿಸಿರುವ ನಾರ್ಕೋಟಿಕ್ ಕಂಟ್ರೋಲ್ ಬ್ಯೂರೋ(ಎನ್ ಸಿಬಿ) ಅಧಿಕಾರಿಗಳು 681 ಕೆಜಿ ಗಾಂಜಾ ವಶಪಡಿಸಿಕೊಂಡಿದ್ದಾರೆ.
ಎಸ್. ಪವಾರ್, ವಿ. ಪವಾರ್, ಬಿ. ವೇರ್, ಎಂ. ದೋತ್ರೆ, ಡಿ. ದೇಶಮುಖ, ಆರ್. ಗುಂಜಲ್, ಎ. ಗಾಂಧಿ, ಎಸ್. ಸನಪ್ ಬಂಧಿತ ಆರೋಪಿಗಳಾಗಿದ್ದಾರೆ.
ಆಂಧ್ರ ಪ್ರದೇಶ, ಒಡಿಶಾ ಗಡಿಯಲ್ಲಿ ಆರೋಪಿಗಳನ್ನು ಬಂಧಿಸುವಲ್ಲಿ ಎನ್ಸಿಬಿ ತಂಡ ಯಶಸ್ವಿಯಾಗಿದೆ. ಆರೋಪಿಗಳು, 2 ಕೆಜಿ ತೂಕದ 335 ಗಾಂಜಾ ಪ್ಯಾಕೆಟ್ಗಳನ್ನು ಪುಣೆ ಅಹಮದಾಬಾದ್ ಮತ್ತು ಗೋವಾಕ್ಕೆ ಸರಬರಾಜು ಮಾಡುತ್ತಿದ್ದರು.
ಗಾಂಜಾ ಸಾಗಿಸಲು ಬಳಕೆ ಮಾಡುತ್ತಿದ್ದ ಸ್ವಿಫ್ಟ್ ಡಿಸೈರ್, ಹೋಂಡಾ ಸಿಟಿ ಕಾರು, ಬೊಲೆರೋ ಪಿಕಪ್ ವಾಹನವನ್ನು ವಶಕ್ಕೆ ಪಡೆಯಲಾಗಿದೆ.
ಬೆಂಗಳೂರು ಮತ್ತು ಹೈದರಾಬಾದ್ ಪೊಲೀಸರು ಜಂಟಿಯಾಗಿ ಕಾರ್ಯಾಚರಣೆ ಕೈಗೊಂಡಿದ್ದರು.
