ಭಟ್ಕಳ: ಶಿರಾಲಿಯಿಂದ ಭಟ್ಕಳ ಕಡೆ ಬರುತ್ತಿದ್ದ ಪಿಕ್‍ಅಪ್ ವಾಹನವೊಂದು ವಿದ್ಯುತ್ ಚಾಲಕನ ಅಜಾರೂಕತೆಯಿಂದಾಗಿ ವಿದ್ಯುತ್ ಕಂಬಕ್ಕೆ ಡಿಕ್ಕಿ ಹೊಡೆದು ಸುಮಾರು 200ಮೀ. ದೂರ ಎಳೆದುಕೊಂಡು ಹೋದ ಘಟನೆ ಭಾನುವಾರ ಇಲ್ಲಿನ ರಾ.ಹೆ.66ರ ಶಿಫಾ ಕ್ರಾಸ್ ಬಳಿ ನಡೆದಿದೆ. 

ಪಿಕ್‍ಅಪ್ ವಾಹನದಲ್ಲಿ ರೇತಿ(ಮರಳು) ಸಾಗಾಟ ಮಾಡಲಾಗುತ್ತಿತ್ತು ಎಂದು ಹೇಳಲಾಗಿದ್ದು ಶಿರಾಲಿ ಚೆಕ್ ಪೋಸ್ಟ್ ಬಳಿ ಪೊಲೀಸರು ತಡೆದರೂ ಅವರನ್ನು ಚಳ್ಳೆಹಣ್ಣು ತಿನ್ನಿಸಿ ಅತಿವೇಗವಾಗಿ ವಾಹನ ಚಲಾಯಿಸಿಕೊಂಡು ಬಂದ ಕಾರಣ ಶಿಫಾ ಕ್ರಾಸ್ ಬಳಿ ವಿದ್ಯುತ್ ಕಂಬಕ್ಕೆ ಡಿಕ್ಕಿ ಹೊಡೆದು ಈ ಅಪಘಾತ ಸಂಭವಿಸಿದೆ ಎಂದು ಹೇಳಲಾಗುತ್ತಿದೆ. ಇದರಿಂದಾಗಿ ಹೆಸ್ಕಾಂ ಇಲಾಖೆÀಗೆ 15ಸಾವಿರ ರೂ ನಷ್ಟವುಂಟಾಗಿದ್ದು ಅಪಘಾತ ಮಾಡಿದ ವ್ಯಕ್ತಿಯೆ ಹಣವನ್ನು ಭರಿಸಿದ್ದಾನೆ ಎಂದು ಹೆಸ್ಕಾಂ ಅಧಿಕಾರಿಗಳು ತಿಳಿಸಿದ್ದಾರೆ.  

ಈ ಕುರಿತಂತೆ ನಗರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.