منگلورو 18؍اگست (ایس او نیوز)سٹی سنٹر مال منگلوروکے دوسیکیوریٹی گارڈس کو یوتھ کانگریس کے لیڈرپر حملے کے الزام میں پولیس نے گرفتار کرلیا ہے۔پتہ چلاہے کہ مال میں پارکنگ کے مسئلہ پریوتھ کانگریس لیڈر تیجیسوی راج اور مال کے سیکیوریٹی گارڈس اوڈیشہ کے دلیپ کمار (۲۱ سال) اور اروناچل پردیش کے رگھو ناتھ (۲۶سال)کے درمیان تو تو میں میں ہوگئی۔ تیجیسوی راج کا کہنا ہے کہ اس موقع پر ان دونوں نے اس کے ساتھ گالی گلوچ کرنے کے علاوہ اپنا واکی ٹاکی سیٹ اس کے سر پر دے ماراجس سے زخم آگئے۔واقعہ کے بعد بندر پولیس نے موقع پر پہنچ کرتیجیسوی راج کی شکایت پر ان دونوں گارڈس کو گرفتار کرلیا اورایک نجی اسپتال میں تیجیسوی کے زخموں کا علاج کروایا گیا۔