نئی دہلی،20اکتوبر(ایس او نیوز؍آئی این ایس انڈیا) مرکزی حکومت نے ناگالینڈ کے لئے الگ پرچم اور آئین کی این ایس سی این-آئی ایم (نیشنل سوشلسٹ کونسل آف ناگالینڈ) کی مانگ کو مسترد کردیا ہے۔حکومت نے واضح کر دیا ہے کہ بندوق کے سائے میں عسکریت پسند گروپ کے ساتھ لامتناہی مذاکرات قابل قبول نہیں ہے۔ناگا مذاکرات کے لئے مذاکرات اور ناگالینڈ کے گورنر آر این روی نے کہا کہ مرکزی حکومت دہائیوں طویل امن مذاکرات کے عمل کو بلا تاخیر نتیجے پر پہنچائے۔روی نے بیان جاری کرکے کہا کہ باہمی رضامندی سے تفصیلی معاہدے کا مسودہ تیار کیا گیا ہے جس میں تمام اہم مسائل شامل ہیں۔بیان میں کہا گیا ہے کہ بدقسمتی سے اس وقت این ایس سی این-آئی ایم نے ٹال مٹول کا رویہ اپنا رکھا ہے اور مختلف ناگا قومی پرچم اور آئین جیسے متنازعہ مسائل کو اٹھا رہا ہے جس پر وہ حکومت ہند کے رخ سے پوری طرح واقف ہیں۔بتا دیں مرکزی حکومت نے آرٹیکل 370 کے تحت جموں و کشمیر کو ملے خاص درجے کو 5 اگست کو ختم کرنے کا اعلان کر دیا تھا اور ریاست کو دو مرکز کے زیر انتظام علاقوں میں تقسیم کر دیا تھا۔خصوصی درجہ ختم کرنے کے بعد جموں و کشمیر کا الگ پرچم اور آئین بھی ختم ہو گیا۔روی نے کہا کہ این ایس سی این-آئی ایم نے معاہدے کی شکل کو غلط طریقے سے طویل نکالا ہے اور اس میں غیر حقیقی موضوع ڈال رہا ہے۔معاہدے کی شکل پر تین اگست 2015 کو این ایس سی این-آئی ایم کے جنرل سکریٹری تھگلیگ موا اور حکومت کے مذاکرات روی نے وزیر اعظم مودی کی موجودگی میں دستخط کئے تھے۔