نئی دہلی،9جولائی(ایس اونیوز/آئی این ایس انڈیا)ہندوستانی خاتون ہاکی ٹیم کی کپتان ریتو رانی کو خراب کارکردگی اور رویے سے متعلقہ مسائل کی وجہ سے ریو جانے والی اولمپک ٹیم سے باہر کر دیا گیا ہے۔16 کھلاڑیوں کی حتمی ٹیم کو تین دن کے اندر اندر منتخب کر لیا جائے گا لیکن ٹیم مینجمنٹ کے سینئر رکن نے تصدیق کی کہ ریتو بنگلور میں چل رہے قومی کیمپ کو چھوڑ کر چلی گئی ہیں۔انہوں نے کہا کہ یہ صحیح ہے کہ ریتو اولمپک ٹیم میں نہیں ہے،اسے باہر کرنے کی بنیادی طور پر دو وجہیں ہیں،اس کی خراب کارکردگی اور دوسرا اس کا رویہ۔اس رکن نے کہاکہ اسے بار بار کہا گیا کہ اسے اپنی کارکردگی کو بہتر کرنی ہوگی لیکن وہ ایسا نہیں کر سکی،کیمپ بنگلور میں چل رہا ہے،یہ آج ختم ہوجائے گا اور کل ہم دہلی پہنچ رہے ہیں۔ریتو پرسوں ہی کیمپ چھوڑ کر چلی گئی تھی۔ریتو کی کپتانی میں ہندوستانی خاتون ہاکی ٹیم نے1980کے بعد36سال میں پہلی بار اولمپکس کیلئے کوالیفائی کیا۔یہ24سالہ کھلاڑی ایک دہائی سے زیادہ عرصے سے ہندوستانی خاتون ہاکی کی کپتان رہی ہے اور مڈفیلڈ کی اہم کھلاڑی رہی ہے۔مسلسل کوشش کے باوجود ریتو سے بات چیت نہیں ہو سکی ہے۔ریتو کی غیر موجودگی میں کپتانی کی ذمہ داری ایک دوسرے سینئر کھلاڑی رانی رامپال کو دی جا سکتی ہے،تاہم ہاکی انڈیا کے صدر نریندر بترا نے اس مسئلے کو دبانے کی کوشش کی اور کھلاڑی کے رویے کو نادانستہ قرار دیا۔بترا نے کہا کہ یہ ریتوکابچپنا ہے کیونکہ ٹیم ابھی تک اعلان نہیں ہوئی ہے۔اس کا سرکاری طور پر 12جولائی کو اعلان کیا جائے گا جب میں عوامی طور پر سیل کر دیا ہوا لفافے کھولوں گا۔انہوں نے کہا کہ جی ہاں، ٹیم مینجمنٹ نے ٹیم کی کپتان اور نائب کپتان دونوں کے بارے میں مجھے اپنی سفارشات دی ہیں۔11جولائی کو ہاکی انڈیا کے ایگزیکٹو بورڈ کے اجلاس کے دوران ہی اس پرفیصلہ کیاجائے گا۔