لکھنؤ : یکم/ اگست (ایس او نیوز/آئی این ایس انڈیا)بی جے پی کی اترپردیش یونٹ کے صدر مہندر ناتھ پانڈے نے بی ایس پی سربراہ مایاوتی پر نشانہ لگاتے ہوئے آج کہا کہ بند کمروں میں بیٹھ کر محض اپنے خاندان کی فکر میں مصروف ہو کر مفاد پرستانہ اتحاد کا تانا بانا بننے والے لوگوں کے منہ سے غریبوں کی فکر مضحکہ خیز لگتی ہے۔پانڈے نے کہا کہ مودی، یوگی حکومت آزادی کے کئی دہائیوں کے بعد بھی خصوصیات سے محروم پسماندہ طبقات، غریب، دلتوں اور غریبوں کو مرکزی دھارے میں لا رہی ہے۔ اجولا منصوبہ کے تحت کروڑوں ماں بہنوں کو دھوئیں سے نجات دلا کر ان کی خود اعتمادی اور اچھی صحت کا راستہ ہموار کیا گیا ہے ۔ انہوں نے کہا کہ لیکن غربیوں اور دلتوں کے نام پر سیاست کا دور ہمیشہ دولت کی فکر میں ہی مصروف رہنے والی بی ایس پی سربراہ کو یہ سب نظر نہیں آتی ہے۔ پانڈے نے کہا کہ تلک۔ترازو اور تلوار جیسے نعروں کے سہارے اپنی سیاست کو بڑھانے کی کوشش کرنے والے لوگ بی جے پی حکومتوں کو نصیحت نہ دیں۔ دراصل مایاوتی نے گھریلو اور کمرشل دونوں ہی گیس سلینڈرں و کی قیمت میں اضافے کے لئے بی جے پی کی مرکزی حکومت پر تنقید کی تھی۔مایاوتی نے کہا کہ ایسا کرکے بی جے پی اپنی حب الوطنی اور قوم پرستی کا نیا نمونہ پیش کر رہی ہے، جس سے ملک کے غریبوں اور عام لوگوں کے مفاد بری طرح متاثر ہو رہے ہیں۔پانڈے نے کہا کہ بی جے پی حکومت سب کا ساتھ سب کا وکاس کی پالیسی پر کام کرتے ہوئے عوامی فلاح کے کام کر رہی ہے۔ بی جے پی نے ہی پہل کر ملک کی اعلی ترین مقام پر دلت طبقے کے شخص کو پہنچانے کا راستہ ہموار کیا ہے ۔ انہوں نے کہا کہ آج جو دلتوں اورغریب کے نام پر ڈرامہ کر بی جے پی حکومتوں پر سوال کھڑے کر رہے ہیں، ان کے گھر کی دہلیز کے آگے جوتا۔چپل پہن کر داخل ہونے پر منع کیا ہے۔بی جے پی ریاستی صدر نے آسام کے این آر سی کے معاملے پر بی ایس پی سپریمو کے بیان کی مذمت کرتے ہوئے کہا کہ ملک کے سوا سو کروڑ غریب، مزدور، کسان اور نوجوانوں کو مبینہ بنگلہ دیشی کے ساتھ شامل کرنے کی کوشش کر رہی مایاوتی کو پہلے آسام کے لوگوں کے انسانی حوقق کی فکر کرنی چاہئے۔