بھوپال میں پولیس محکمہ شرمسار، خواتین کانسٹیبل سے چھیڑ چھاڑ کے الزام میں اے ایس پی گرفتار
بھوپال ،30؍نومبر (ایس او نیوز؍آئی این ایس انڈیا) مدھیہ پردیش کے دارالحکومت بھوپال میں خاتون کانسٹیبل سے چھیڑ چھاڑ کے الزام میں ایک اے ایس پی کو گرفتار کیا گیا ہے۔اضافی پولیس سپرنٹنڈنٹ (اے ایس پی) راجندر ورما کو جمعرات کو بھوپال پولیس نے گرفتار کر لیا۔بھوپال زون جنگل کے اضافی پولیس سپرنٹنڈنٹ دھرم ویر سنگھ یادو نے کہا کہ ورما کے خلاف ایک خاتون کانسٹیبل نے چھیڑ چھاڑ کی رپورٹ درج کرائی تھی۔اس شکایت کی تحقیقات کے بعد ہی ملزم ورما کے خلاف مقدمہ درج کیا گیا تھا۔دھرم ویر سنگھ یادو نے بتایا کہ جہانگیراباد تھانے کی پولیس نے ورما کو گرفتار کر لیا ہے۔جب ان سے ورما کی معطلی کے حوالے سے سوال کیا گیا تو ان کا جواب تھا کہ یہ کارروائی پولیس ہیڈکوارٹر سے ہی ہوگی۔ورما پولیس ہیڈکوارٹر میں ہی ہیں۔اس سے پہلے اندور ایک پولیس سپرنٹنڈنٹ(ڈی ایس پی) پر بھی ایک خاتون گزشتہ 12 برسوں سے جنسی استحصال کرنے کا الزام لگا چکی ہے۔رات میں ایک لڑکی کا پیچھا کرنے کے الزام میں ایک کانسٹیبل جیل میں ہے۔اس کوسروس سے بھی برخاست کیا جا چکا ہے۔