نئی دہلی،09؍ ستمبر (ایس او نیوز؍آئی این ایس انڈیا) ملک بھر کے 2992اضلاع اور ماتحت عدالتوں کے کیمپس ’ وائڈ ایریا نیٹ ورک (وین) کے ذریعے جوڑے جائیں گے جن میں 547 ایسے کیمپس بھی شامل ہیں جہاں مواصلات کی کوئی سہولیات نہیں ہے۔محکمہ انصاف نے اس تناظر میں 167 کروڑ روپے کی لاگت سے بھارت سنچار نگم لمیٹڈ (بی ایس این ایل) کو پروقار ای ۔کورٹ وین پروجیکٹ الاٹ کیا ہے۔ ای۔کورٹ پروجیکٹ، سپریم کورٹ کی ای کمیٹی کی نگرانی میں اہم پیش رفت ہے۔ اس پروجیکٹ نے ملک کے 16،089 ضلع اور اور ماتحت عدالتوں میں معاملوں کی اطلاعات سے متعلق سافٹ ویئر،، ہارڈ ویئر اور لوکل ایریا نیٹ ورک لگا کر ان کوکمپیوٹرائز ڈکرنے کی بڑی کامیابی حاصل کی ہے۔ای۔کورٹ مشن موڈ پروجیکٹ فیز ۔2 (19۔2015) کے اہم حصہ میں سے ایک وین کا قیام ہے، جو ملک کے سبھی اضلاع اور ماتحت عدالتوں کے کیمپس کو جوڑیں گے۔ اس سے عدالتی نظام کی مجموعی فعالیت میں اضافہ ہوگا اور طریق کار میں شفافیت آئے گی۔