جے پور:18/نومبر(ایس او نیوز/آئی این ایس انڈیا)مرکزی وزیر راجے وردھن سنگھ راٹھور نے کہا کہ ٹکٹ کی تقسیم میں مذہب کی بنیاد پر کوئی کوٹہ سسٹم نہیں ہونا چاہئے۔راٹھور نے راجستھان میں سات دسمبر کو ہونے والے اسمبلی انتخابات کے لیے بی جے پی کی طرف سے ایک بھی مسلم امیدوار کو ٹکٹ نہیں دئے جانے کے سوال کا جواب دیتے ہوئے کہا کہ ٹکٹوں کی تقسیم میں مذہب کی بنیاد پر کسی قسم کی کوٹہ سسٹم نہیں ہونا چاہئے،اگر ہماری طرف سے کئے گئے کام مذہب کی بنیاد پرکسی تک نہ پہنچے ہوں توہم سے رابطہ کیاجاسکتاہے۔
کانگریس کی طرف سے جھالراپاٹن سے وزیر اعلی وسندھرا راجے کے سامنے مانویندر سنگھ کو ٹکٹ دئے جانے کے سوال کا جواب دیتے ہوئے مرکزی وزیر نے کہا کہ راجے کی کئی سالوں سے وزیر اعلی کے طور پر ریاست میں اپنی بہت بڑی پکڑ ہے اور کانگریس کے امیدوار مانویندر سنگھ کوئی اثر ڈالنے کے قابل نہیں ہیں۔کانگریس نے مانوندرسنگھ کا مکمل طور پراستحصال کیا ہے۔
ایک اور سوال کے جواب میں انہوں نے کہا کہ ٹکٹ کی تقسیم کے انتخاب میں مذہب کی بنیاد پر کوئی کوٹہ نہیں ہونا چاہئے،اگر ہمارے کام کوئی فرق آیا تو ہم عدالت میں کھڑے ہوسکتے ہیں،ہم نے ایسے ایسے بڑے کام کئے کہ جو مسلم لوگوں کو ٹکٹ دینے والے نہیں کرپائے۔اس تناظر میں انہوں نے تین طلاق کی مثال دی۔
راٹھور نے کہا کہ ہماری اجول گیس یوجنا، جن دھن یوجنا، مدرایوجنا اگر مسلم کمیونٹی تک نہیں پہنچی ہو تو آپ سوال کر سکتے ہیں لیکن بی جے پی ٹکٹ تقسیم میں مذہب کی بنیاد پر کوٹہ سسٹم کے حمایتی نہیں ہے۔انہوں نے کہا کہ جے پور دیہی لوک سبھا علاقے کی تمام اسمبلی حلقوں کے امیدواروں کے لیے وہ فعال طور پر پارٹی اور امیدوار کے حق میں تشہیر کر رہے ہیں ۔