ای ڈی نے سید علی شاہ گیلانی کے داماد الطاف شاہ سے تفتیش کے لیے عدالت کارخ کیا

Source: S.O. News Service | By Jafar Sadique Nooruddin | Published on 15th March 2019, 11:22 PM | ملکی خبریں |

نئی دہلی:15 /مارچ(ایس اونیوز /آئی این ایس انڈیا)ان ڈی نے دہشت گردوں کو مالی مدد پہنچانے کے معاملے میں علیحدگی پسند لیڈر سید شاہ گیلانی کے داماد الطاف شاہ سے پوچھ گچھ کے لیے جمعہ کو دہلی کی ایک عدالت کا رخ کیا ہے۔یہ معاملہ لشکر طیبہ سربراہ اور 26/11 حملے کے سرغنہ حافظ سعید سے منسلک ہے۔ای ڈی نے پاکستانی رہنماؤں اور کشمیری علیحدگی پسندوں سے مبینہ دوستی رکھنے والے متاثر کن کاروباری ظہرو وتالی اور متحدہ عرب امارات واقع کاروباری نول کشور کپور سے بھی پوچھ گچھ کا مطالبہ کیا ہے۔الطاف شاہ،ظہور وتالی اور نول کشور کپور کو قومی جانچ ایجنسی (این آئی اے) نے دہشت گردوں کو مالی مدد پہنچانے کے معاملے میں گرفتار کیا تھا اور وہ تہاڑ جیل میں بند ہیں۔عدالت 19 مارچ کو معاملے پر سماعت کرے گی۔این آئی اے نے اس سے پہلے حزب المجاہدین سربراہ سید صلاح الدین سمیت حکومت مخالف سرگرمیوں میں شامل ہونے اور وادی میں بدامنی کے پیدا کرنے کے ملزمان کے خلاف چارج شیٹ دائر کیا تھا۔ایجنسی نے پاکستان واقع دہشت گرد حافظ سعید اور صلاح الدین کے علاوہ 10 دیگر لوگوں پر مجرمانہ سازش، غداری اور غیر قانونی سرگرمی (روک تھام) ایکٹ کی سخت دفعات کے تحت الزامات طے کئے ہیں۔

ایک نظر اس پر بھی

دہشت گرد ہر مذہب میں ہیں: کمل ہاسن

تنازعات میں گھرے اداکار لیڈر کمل ہاسن نے جمعہ کو کہا کہ ہر مذہب میں دہشت گرد ہوتے ہیں اور کوئی بھی اپنے مذہب کوبہترین ہونے کا دعویٰ نہیں کر سکتا۔

بی جے پی کو280 سے زیادہ سیٹیں ملیں گی، این ڈی اے کی سیٹیں 300 سے متجاوز ہوں گی: پی مرلیدھر راؤ

بی جے پی لیڈر رام مادھو کے تخمینے کو مسترد کرتے ہوئے پارٹی کے سینئر لیڈر پی مرلیدھر راؤ نے کہا کہ بھگوا پارٹی کو 280 سے زیادہ سیٹیں ملیں گی جبکہ این ڈی اے کے سیٹوں کی تعداد 300 کے پار ہوں گی۔

مالیگاؤں 2008بم دھماکہ معاملہ: اے ٹی ایس کی عدالت سے غیر حاضری کے معاملے میں عدالت کا دخل دینے سے انکار

مالیگاؤں 2008 بم دھماکہ متاثرین جانب سے خصوصی این آئی اے عدالت میں داخل عرضداشت جس میں اس معاملے کی سب سے پہلے تفتیش کرنے والی تفتیشی ایجنسی ATSکی عدالت سے غیرحاضری پر سوال اٹھایا گیا تھا کو عدالت نے یہ کہتے ہوئے خارج کردیا کہ اے ٹی ایس کو پابند کرنا اس کے دائرہ اختیار میں نہیں ہے ...

لوک سبھا انتخابات 2019: بہار میں 1 لاکھ سے زیادہ ووٹوں سے جیتنے والوں کا بھی اس بار ٹکٹ کٹ گیا

بہارمیں 19 مئی کو ہونے والے آخری مرحلے کی پولنگ میں نالندہ، پٹنہ صاحب، پاٹلی پتر، آرا، بکسر، سہسرام، ککاراکٹ،جہان آباد کی سیٹوں پر ووٹ ڈالے جائیں گے۔ اس بار بہار میں ایک نئے طرح کے اعداد و شمار دیکھنے کو مل رہا ہے۔