خواتین کمیشن نے زائرہ وسیم کے ساتھ ہوئی چھیڑ خانی کو بتایا انتہائی شرمناک فعل
نئی دہلی،10؍دسمبر (ایس او نیوز؍آئی این ایس انڈیا) قومی خواتین کمیشن نے زائرہ وسیم کے ساتھ شرمناک حادثہ قرار دیا ہے ۔زائرہ وسیم نے سوشل میڈیا کے ذریعے وستارا ایئر لائنزکی فلائٹ سے دہلی سے ممبئی جانے والی پرواز میں جس طرح ہراساں کیے جانے کی بات کہی ہے وہ بھارتی تہذیب و ثقافت کے شرم کی بات ہے ۔ انہوں نے کہا کہ ان کے پیچھے بیٹھے ایک ادھیڑ شخص نے اپنے پاؤں کو ان کی گردن اور پیٹھ پر پھرایا ہے جو ناقابل برداشت اور خواتین کی بے حرمتی ہے ۔ قومی خواتین کمیشن کی صدرنے میڈیا کو بتایا کہ میں نے صرف انسٹاگرام پر ویڈیو دیکھا ہے اور میں اس واقعہ سے مغموم ہوں ۔ جس طرح سے یہ واقعہ ہوا اور اس کے بعد ہوائی جہاز عملہ نے لڑکی کی مدد نہیں کی، اسے دیکھ کر میں واقعی ڈر گئی ہوں۔ یہ انتہائی حیران کر دینے والا حادثہ ہے ؛ کیونکہ وستارا نے دعوی کیا ہے کہ وہ ایسی حرکت برداشت نہیں کرتا، لیکن انہوں نے پرواز کے دوران خواتین کو پریشان کرنے والے مردوں کے خلاف کارروائی کے تئیں اپنے عملہ کو سنجیدہ نہیں بنایا ۔انہوں نے کہا کہ میں اس معاملے میں نوٹس لے رہی ہوں اور وستارا کو بھی اس تعلق سے مطلع کر رہی ہوں اور ایئر لائنز کے خلاف کارروائی کرنے کے لئے مہاراشٹر کے ڈپٹی کمشنر کو بھی ایک کاپی بھیج رہی ہوں۔دہلی خواتین کمیشن کی صدر نے زائرہ وسیم سے پولیس میں شکایت درج کرانے کی اپیل کی ہے۔ انہوں نے ٹویٹ کرکے کہا کہ یہ ایک انتہائی شرمناک واقعہ ہے میں زائرہ کو پولیس میں شکایت درج کرانے کی اپیل کرتی ہوں ۔ انہوں نے یہ بھی کہا کہ جلد ملزم کو گرفتار کیا جانا چاہئے۔مہاراشٹر ریاست خواتین کمیشن کی صد ر نے بھی اس کو شرمناک واقعہ قرار دیا ہے ۔ انہوں نے کہا کہ ڈائرکٹر جنرل آف سول ایوی ایشن کو معاملے کی تحقیقات کرنے کی ہدایت دی جائے گی ۔