نئی دہلی، 20 فروری(ایس او نیوز؍آئی این ایس انڈیا) سپریم کورٹ نے بدھ کو کہا کہ ایودھیا میں رام جنم بھومی بابری مسجد زمین تنازعہ کیس کی سماعت 26 فروری کو کی جائے گی۔چیف جسٹس رنجن گوگوئی کی صدارت والی پانچ رکنی آئینی بنچ اس کیس کی سماعت کرے گی۔آئینی بنچ کے دیگر ارکان میں جسٹس ایس اے بوبڈے، جسٹس دھننجي وائی چندرچوڑ، جسٹس اشوک بھوشن اور جسٹس ایس عبدالنذیر شامل ہیں۔اس معاملے کی سماعت پہلے 27 جنوری کو ہونی تھی لیکن آئینی بنچ کے رکن جسٹس ایس اے بوبڑے کی عدم دستیابی کی وجہ سے یہ ملتوی ہو گئی تھی۔آئینی بنچ ایودھیا میں متنازعہ 2.77 ایکڑ زمین کو سنی وقف بورڈ، نرموہی اکھاڑا اور رام للا کے درمیان برابر برابر تقسیم کرنے کے الہ آباد ہائی کورٹ کے 2010 کے فیصلے کے خلاف سماعت کررہی ہے۔