نئی دہلی ،19؍ مارچ ( ایس او نیوز؍آ ئی این ایس انڈیا) بہار کے وزیر اعلی نتیش کمار کو عہدے سے نااہل ٹھہرائے جانے کی مانگ والی درخواست کو سپریم کورٹ نے مسترد کر دیا ہے۔ کورٹ نے کہا کہ اس درخواست میں کوئی میرٹ نہیں ہے۔ سماعت کے دوران الیکشن کمیشن کی طرف سے کہا گیا کی نتیش نے 2012 کے انتخابی حلف نامے میں قتل کے ایف آئی آر کا انکشاف کیا تھا۔ اس سے پہلیالیکشن کمیشن نے سپریم کورٹ میں حلف نامہ داخل کر کے کہا ہے یہ درخواست سماعت کے قابل نہیں ہے اس کو مسترد کیا جائے۔پٹیشن کمزورہے اور غلط حقائق پر مبنی ہے۔ اس میں دی گئی معلومات گمراہ کرنے والی ہے اور یہ عدالتی عمل کا غلط استعمال ہے۔کمیشن نے کہا کہ نتیش کمار نے 2012 اور 2015 میں بہار اسمبلی کا انتخاب نہیں لڑا تھا۔ اسی طرح انہوں نے 2013 میں بھی بہار قانون ساز کونسل کابھی لیکشن نہیں لڑا لیکن پتہ نہیں درخواست گزار ایم ایل شرما نے کہاں سے نتیش کمار کے انتخابی حلف نامے حاصل کر لئے۔اس معاملے سے درخواست گزار کی کوئی بنیادی حقوق کی خلاف ورزی نہیں ہوئی ہے اور مفاد عامہ کی عرضی داخل نہیں کی جا سکتی۔ درخواست گزار کو الیکشن پٹیشن یا شکایت پولیس کو دینی چاہیے تھی۔یہ درخواست مسترد کی جائے اور درخواست گزار پر بڑا جرمانہ لگایا جائے۔غور طلب ہے کہ وکیل ایم ایل شرما نیعرضی داخل کرکے کہا ہے کہ 2004 سے 2015 کے دوران نتیش کمار نے حلف نامے میں یہ ظاہر نہیں کیا کہ 1991 میں ان پر قتل کے معاملے میں ایف آئی آر درج ہوئے تھے۔جس سے نتیش کمار اپنے مجرمانہ ریکارڈ کو چھپانے کے بعد آئینی عہدے پر نہیں رہ سکتے۔