ایس آئی ٹی نے غیر قانونی کانکنی معاملے میں کامت کو بھیجا دوسرا سمن
پنجی، 22 اپریل(ایس او نیوز؍آئی این ایس انڈیا) گوا کرائم برانچ کی خصوصی تفتیشی ٹیم نے غیر قانونی کانکنی گھوٹالہ معاملے میں سابق وزیر اعلی دگمبر کامت کو پیر کو حاضر ہونے کے لئے سمن بھیجا ہے۔کرائم برانچ کے سینئر افسر نے آج کہا کہ کامت کو پیر( 24 اپریل) گوا کرائم برانچ کی خصوصی تفتیشی ٹیم کے سامنے پیش ہونے کے لئے کہا گیا ہے۔ ان سے غیر قانونی کانکنی سرگرمی کے سلسلے میں پوچھ گچھ کی جائے گی، ہم اس معاملے کی تحقیقات کر رہے ہیں۔ اس معاملے میں کامت کو جاری کیا گیا یہ دوسرا سمن ہے۔کانگریس کے سینئر لیڈر کو منگل(18 اپریل) کو سمن بھیجا گیا تھا لیکن وہ شہر سے باہر ہونے کی بات کہہ کر انکوائری حکام کے سامنے پیش نہیں ہوئے تھے۔ان سے ایس آئی ٹی نے اس معاملے میں فروری 2014 میں پہلی بار پوچھ گچھ کی تھی۔جج( ریٹائرڈ) ایم بی شاہ کمیشن کی رپورٹ کے مطابق سال 2005 سے 2012 تک گوا میں 35000 کروڑ روپے تک کا غیر قانونی کانکنی ہوئی۔ یہ غیر قانونی کان کنی اس مدت کے دوران کی گئی۔