نئی دہلی:16/اگست(ایس او نیوز /آئی این ایس انڈیا)باغی تیور اپنائے شرد یادو جمعرات کو ایک کانفرنس منعقد کریں گے۔ اس کانفرنس میں حصہ لینے کے لئے کسانوں، اقلیتوں اور کمزورطبقات کے لوگوں کو مدعو کیا گیا ہے۔ انہوں نے نے کہا کہ ہماری ثقافت کو بچانے کے لئے ایک مشترکہ ورثہ بچاؤ کانفرنس منعقد کریں گے۔انہوں نے کہا کہ سب کو مدعو کیا گیا ہے، تمام اپوزیشن لیڈران آئیں گے۔ اس میں ملک بھر کی اپوزیشن جماعتوں کے رہنما، دانشوروں، کسانوں، دلتوں اور قبائلی شرکت کریں گے۔ انہوں نے کہا کہ اس میں حالیہ سیاسی ترقی پر تبصرہ نہیں کریں گے۔ 17 اگست کو میری کانفرنس کسی کے خلاف نہیں ہے لیکن ملک کی مجموعی ثقافت کو بچانے کے لئے ہے، ساتھ ہی انہوں نے کہا کہ ایسے پروگرام نہ صرف دہلی میں منعقد کئے جائیں گے بلکہ ناگپور، اندور اور پٹنہ میں بھی منعقد کئے جائیں گے۔
وزیر اعظم نے لال قلعہ سے کہا کہ کوئی بھی تشدد مذہب کے نام پر قابل قبول نہیں ہے، میں ان سے درخواست کرتا ہوں کہ اسے اپنی ریاستی حکومتوں کو بھی بتا دینا چاہئے، ہم سب ایک ہی مقصد کے لئے لڑ رہے ہیں۔انہوں نے کہا کہ اس کانفرنس میں کسانوں کی خودکشی، روہت ویمولا جیسے مسائل کواٹھایا جائے گا۔ حالیہ سیاسی واقعات کے ساتھ اس کا کوئی لینا دینا نہیں ہے۔