لوک تانترک جنتا دل کا باقاعدہ قیام 18 مئی کو

Source: S.O. News Service | By Jafar Sadique Nooruddin | Published on 16th May 2018, 11:06 PM | ملکی خبریں |

 نئی دہلی:16/مئی (ایس اونیوز /آئی این ایس انڈیا) این ڈی اے کو اقتدار سے بے دخل کرنے کے لیے غیر بی جے پی پارٹیوں کا اتحاد بنانے اور سوشلزم کی سیاست کو آگے بڑھانے کے مقصد سے جد (یو) کے سابق لیڈر شرد یادو کے حامی یہاں 18 مئی کو اپنی ایک نئی پارٹی لوک تانترک جنتا دل کا باقاعدہ آغاز کریں گے۔ شرد یادو گروپ کے ایک رہنما ارون شریواستو نے یہاں نامہ نگاروں سے کہا کہ پارٹی کی تشکیل دی جارہی ہے اور شرد یادو اس سرپرست ہوں گے۔انہوں نے کہا کہ ابتدائی کانفرنس تال کٹورا اسٹیڈیم میں ہوگی جہاں پارٹی کے قریب آٹھ ہزار ارکان کے جمع ہونے کی توقع ہے۔انہوں نے کہاکہ پی وریندر کمار جیسے سینئر لیڈر کے علاوہ شرد یادو ا س موقع پر موجود رہیں گے۔ پارٹی کا ارادہ ایک نئی قسم کی سیاست شروع کرنے کا ہے۔شریواستو نے کہا کہ لوجد قائم کیا جا رہا ہے،البتہ حقیقی جد یو کون ہے یہ معاملہ عدالت میں زیر التوا ہے۔ انہوں نے کہا کہ جب نتیش کمارکی قیادت والی جد یو نے گزشتہ سال این ڈی اے میں شامل ہونے کا فیصلہ کیا تو پارٹی کے ایک دھڑے نے اس کی مخالفت کی تھی۔ اس دھڑے نے الیکشن کمیشن سے رابطہ کیا اور دلیل دی کہ وہ اصلی جد یو ہے نہ کہ نتیش کمار کی قیادت والا دھڑا۔انہوں نے کہا کہ ہم لیڈر ہیں اور الیکشن لڑنے کے لئے ہمیں ایک پارٹی کی ضرورت ہے۔کیونکہ یہ معاملہ عدالت میں زیر التوا ہے،اس لیے ہم نے پارٹی بنانے کا فیصلہ کیا۔ ہم بی جے پی مخالف پارٹیوں کو 2019 کے لوک سبھا انتخابات کے پہلے ایک ساتھ لانے کی کوشش کر رہے ہیں تاکہ اس کو اقتدار سے ہٹا دیا جا سکے جو جمہوریت کے لئے خطرہ ہے۔شریواستو نے کہا کہ یادو اور دیگر رہنما لوجد میں شامل ہوں گے یا نہیں، اس کا فیصلہ کیس میں عدالت کے فیصلے پر انحصار کرے گا۔انہوں نے کہا کہ راجستھان کے سابق وزیر وجے سنگھ لوجد کے صدر ہوں گے اور یہ پارٹی کسانوں، مزدوروں، کمزور اور محروم طبقوں، نوجوانوں اور خواتین کے مسائل پر خصوصی توجہ صرف کرے گی۔ 

ایک نظر اس پر بھی

پروٹوکول توڑنے میں مودی نے عمران سے مقابلہ کیا، سفارتی ناکامی پر جواب دیں: کانگریس

کانگریس نے سعودی عرب کے شہزادہ (ولی عہد) محمد بن سلمان کا پروٹوکول سے الگ جاکرخوش آمدید کئے جانے کو لے کر بدھ کو وزیر اعظم نریندر مودی پر حملہ بولا اور الزام لگایا کہ پروٹوکول توڑنے میں مودی تو گویا پاکستانی وزیر اعظم عمران خان کے ساتھ، جیسے مقابلہ کر رہے ہیں۔

پلوامہ حملہ: اب آندھرا پردیش کے وزیراعلیٰ چندرا بابو نائیڈو نے مودی حکومت کو گھیرا، کہا، قومی سلامتی خطرے میں ہے

پلوامہ دہشت گردانہ حملے کو لے کر پاکستان کے وزیر اعظم عمران خان کے بیان پر رد عمل ظاہر کرتے ہوئے آندھرا پردیش کے وزیراعلیٰ این چندرا بابو نائیڈو نے مرکز کی مودی حکومت پر نشانہ لگایا ہے۔

این سی ڈی آرسی نے آپریشن کے دوران لاپرواہی برتنے والے ڈاکٹر متاثرہ خاندان کو 2.7 لاکھ روپے ادا کرنے کا حکم دیا

قومی صارفین تنازعہ سراغ رساں کمیشن(این سی ڈی آرسی) نے آپریشن کے دوران لاپرواہی کی وجہ سے ایک خاتون کی موت کے معاملے میں تین ڈاکٹروں کو متاثر خاندان کو پر 2.7 لاکھ روپے ادا کرنے کا حکم دیا ہے۔