رافیل طیارہ سودا: مودی حکومت نے قیمتوں کی تفصیلات سے متعلق حلف نامہ سپریم کورٹ میں داخل کیا
نئی دہلی، 13نومبر (ایس او نیوز؍یو این آئی) مرکزی حکومت نے رافیل جنگی طیارے کی قیمتوں کی تفصیلی معلومات سے متعلق حلف نامہ پیر کے روز سپریم کورٹ میں داخل کردیا۔ مرکزی حکومت نے مہر بند لفافے میں 9 صفحات پر مشتمل حلف نامہ دیا ہے، جس میں رافیل طیاروں کی قیمت کی معلومات دی گئی ہيں۔
ذرائع نے بتایا کہ حکومت نے تیار حالت میں' 36 رافیل طیارے خریدنے کے فیصلے کی تفصیلی معلومات' کی سرخی کے ساتھ یہ یہ حلف نامہ عدالت عظمی کو سونپا ہے۔ عدالت عظمی نے گزشتہ سماعت میں حکومت سے رافیل طیاروں کی قیمت بتانے کے لئے کہا تھا۔
حکومت نے کہا کہ رافیل طیارہ سودے میں ہر ضروری قدم اٹھایا گيا ہے اور دفاعی خریداری سے متعلق تمام ضابطوں کی پابندی کی گئی ہے۔
