مودی حکومت میں عام آدمی کی کمانی نصف ہوگئی : پرینکا چترویدی

Source: S.O. News Service | By Shahid Mukhtesar | Published on 10th September 2018, 12:25 PM | ملکی خبریں |

وارانسی ،10؍ ستمبر (ایس او نیوز؍آئی این ایس انڈیا) کانگریس کی قومی ترجمان پرینکا چترویدی نے وزیراعظم نریندر مودی پر اتوار کو جم کر حملہ بولا۔ پرینکا نے کہا کہ مودی حکومت کے ساڑھے چار سال کے دور اقتدار میں عام آدمی کی کمائی نصف ہوگئی ہے۔ مہنگائی اور ٹیکس کے بوجھ سے پریشان عوام کو راحت پہنچانے کے بجائے حکومت تیل پر بے رحمی سے ٹیکس لگا رہی ہے۔ ایندھن کی اس لوٹ کے لئے عوام مودی حکومت کو معاف نہیں کرے گی۔ آنے والے لوک سبھاالیکشن میں حکومت کو عوام اس کا جواب دیں گے۔پیر کو کانگریس کے ذریعہ بند کے اعلان کو لے کر شہر میں آئی پرینکا چترویدی ندیسر میں واقع ایک ہوٹل میں میڈیا اہلکاروں سے بات کررہی تھیں۔ انہوں نے کہا کہ مودی حکومت نے اپنے ساڑھے چار سال کے دوراقتدار میں پٹرول ڈیزل پر ٹیکس لگا کر11لاکھ کروڑ روپے کمائے۔ مئی 2014کے بعد سے اب تک ایکسائز ڈیوٹی میں211.7فیصدی کا اضافہ کرکے مرکزی حکومت نے عام آدمی کی کمر توڑ دی ہے۔ کانگریس کے دوراقتدار اور مودی حکومت کے مدت کار میں کچا تیل، پیٹرول ڈیزل کی قیمتوں کا تقابلی ڈاٹا دے کر حملہ آور تیور میں پرینکا نے کہا کہ10ستمبر کو بھارت بند اس لئے کیا جارہا ہے کیونکہ تیل کی قیمتوں میں آگ لگی ہے۔

انہوں نے کہا کہ عام آدمی سمجھنے لگا ہے کہ مودی حکومت نے اس کے ساتھ دھوکہ کیا ہے۔ رافیل سودے کو لے کر پوری تیاریوں کے ساتھ آئیں پرینکا نے جنگی جہاز کی قیمت کو لے کر بھی مودی حکومت پر سنگین الزام لگائے۔ قومی ترجمان نے کہا کہ محض12دن پرانی پرائیوٹ کمپنی کو فائدہ دینے کے لئے مودی حکومت نے اس سودے میں بڑا گھوٹالہ کیا ہے۔ مودی حکومت اس کی جے پی سی جانچ اور پارلیمنٹ میں جوابدہی سے بھاگ رہی ہے۔ نوٹ بندی اور جی ایس ٹی کے بہانے حکومت کو گھیر کر کہا کہ اپنے سوٹ بوٹ والے دوستوں کو فائدہ پہنچانے کے لئے ملک کی معیشت اور تجارت کو نقصان پہنچایا گیا ہے۔ ایس سی ایس ٹی ایکٹ میں ہوئی ترمیم پر کانگریس کے اسٹینڈ کے سوال پر پرینکا نے کہا کہ اگر کسی برادری کو لگتا ہے کہ اس کے ساتھ ناانصافی ہورہی ہے توا س پر حکومت کو توجہ دینی چاہئے۔ انہوں نے کہا کہ کانگریس نے ذات پاٹ فرقہ پرستی کی سیاست نہیں کی جبکہ بی جے پی نے ذات پات کی سیاست کرکے ملک کے عوام کے پیٹھ میں خنجر گھونپ دیا ہے۔ پریس کانفرنس میں سابق رکن پارلیمنٹ ڈاکٹر راجیش مشر، سابق ممبراسمبلی اجے رائے بھی موجود رہے۔

ایک نظر اس پر بھی

گوجر تحریک آٹھویں دن بھی جاری

گوجر سمیت پانچ ذاتوں کو ریزرویشن سے متعلق بل اسمبلی میں منظور کئے جانے کے بعد بھی راجستھان میں گوجروں کی تحریک جمعہ کو آٹھویں دن جاری رہی۔

مذہب کی بنیادپربے قصورلوگوں پرحملے شہادتوں کی تعظیم نہیں، ہجومی تشدد: عمر عبداللہ اور محبوبہ مفتی نے سخت تنقیدکی

جموں و کشمیر کے سابق وزرائے اعلیٰ عمر عبداللہ اور محبوبہ مفتی نے جمعرات کو لیتہ پورہ پلوامہ میں سی آرپی ایف کے قافلہ پر ہوئے خود کش دھماکے کے تناظر میں جمعہ کے روز جموں میں پیش آئے ہجومی تشدد کے واقعات کی شدید الفاظ میں مذمت کرتے ہوئے جموں اور دیگر ریاستوں میں قیام پذیر ...