مڈگاو (گوا) 21 جنوری (ایس او نیوز؍آئی این ایس انڈیا) کولکاتہ میں ایک ریلی کے دوران حزب اختلاف کے اتحاد پر طنز کرتے ہوئے وزیر اعظم نریندر مودی نے اتوار کو کہا کہ ان کا مہا گٹھ بندھن بدعنوانی، منفی اور عدم استحکام کا ایک اتحاد ہے۔مودی نے ویڈیو کانفرنس کے ذریعہ کارکنوں کو خطاب کرتے ہوئے کہا کہ اپوزیشن آئندہ انتخابات میں شکست کے خوف سے الیکٹرانک ووٹنگ مشین (ای وی ایم) میں چھیڑ چھاڑ جیسے بہانے بنائے جارہے ہیں ۔کئی اپوزیشن پارٹیوں کے لیڈران ہفتہ کو کولکاتہ میں جمع ہوئے تھے اور انہوں نے آئندہ لوک سبھا انتخابات ایک ساتھ مل کر لڑنے اور مودی کو اقتدار سے بے دخل کرنے کا حلف لیا تھا ۔ اپوزیشن کے کئی لیڈروں نے ریلی میں وی ایم کی جگہ بلیٹ پیپر کے استعمال کی مانگ کی تھی ۔ انہوں نے ای وی ایم کو ’’ تمام قسم کی گڑبڑیوں‘‘ کی وجہ سے کہا۔مودی نے کہا کہ اپوزیشن کا مہا گٹھ بندھن بدعنوانی، منفی اور عدم استحکام کا اتحاد ہے۔ اپوزیشن کے پاس ’دولت‘ ہیں،لیکن ہمارے پاس ’افرادی قوت‘ ہے۔انہوں نے گوا کے بیمار وزیر اعلی منوہر پاریکر کے جلد صحت مند ہونے کی ’’کامنا‘‘ کی اور انہیں گواکا’ جدیدمعمار‘ بتایا ۔