پی ایم مودی اور آرکے سنہا نے یومِ بہارپراہل بہارکومبارکبادپیش کی
نئی دہلی:22/مارچ(ایس اونیوز/آئی این ایس انڈیا )بہارکے یوم تاسیس پر آج وزیر اعظم نریندر مودی نے اہل بہارکو اپنی نیک خواہشات پیش کرتے ہوئے کہاہے کہ یوم بہار کے موقع پربہارکے عوام کومیری ڈھیروں نیک خواہشات۔ وہیں سینئربی جے پی لیڈر اور بہار سے راجیہ سبھا ممبرپارلیمنٹ آرکے سنہا نے اپنے جاری پیغام میں کہاہے کہ آج بہار کے دن پر ڈاکٹر سچدانند سنہا کو یاد کرتا ہوں اور انہیں خراجِ عقیدت پیش کرتاہوں۔ وہ ہندوستان کی آئین ساز اسمبلی کے پہلے صدرتھے۔سال1891 میں لندن سے بیرسٹر کا امتحان پاس کرہندوستان واپس آئے تھے اور انہوں نے بہار کی بدحالی اور غربت کا سبب بنگال کے ایک حصہ کے طورپرہوناسمجھاتھا۔ اس لئے انہوں نے محض21 سال کی عمرمیں 1891 میں بہار کو علیحدہ ریاست بنانے کی تحریک کی شروعات کی۔ ٹھیک20 سال بعد 1911 میں بنگال سے بہار اور اڑیسہ الگ ہوئے۔ آج اس اہم موقع پرمیں تمام بہار شہریوں اور خاص طور پر نوجوانوں اور عورتوں کو مبارکباد دیتے ہوئے نوجوان طبقے سے اپیل کرتا ہوں کہ وہ آگے آئیں اور بہار کو آگے بڑھائیں۔