نئی دہلی:11/دسمبر (ایس او نیوز/آئی این ایس انڈیا)پارلیمنٹ کے موسم سرما سیشن کا آغاز سابق وزیراعظم اٹل بہاری واجپئی، سومناتھ چٹرجی، آننت کمار کو خراج عقیدت کرکے ہوا۔لوک سبھا اور راجیہ سبھا میں ان تمام آنجہانی رہنماؤں کو خراج عقیدت پیش پیش کیا گیا۔خراج عقیدت کے بعد بدھ صبح پارلیمنٹ سیشن کو ملتوی کر دیا گیا تھا۔سابق وزیر اننت کمار کو خراج عقیدت پیش کرتے ہوئے راجیہ سبھا کے صدر اور نائب صدر وینکیا نائیڈو جذباتی ہو گئے۔پارلیمنٹ کے احاطے میں میڈیاسے خطاب کرتے ہوئے وزیراعظم مودی نے کہاکہ انہیں توقع ہے کہ تمام جماعتیں تعاون کریں گی تاکہ اہم قانون سازبل منظور کئے جائیں۔موسم سرما سیشن کے پہلے دن پارلیمنٹ پہنچے وزیراعظم مودی نے میڈیا سے بات کرتے ہوئے کہا کہ یہ سیشن بہت اہم ہے۔انہوں نے کہا کہ عوام سے متعلق اہم معاملات پر تبادلہ خیال کرنے کی ضرورت ہے،مجھے یقین ہے کہ پارلیمنٹ کے تمام ارکان عوام کے جذبات کا احترام کریں گے،یہ ہماری کوشش ہے کہ پارلیمنٹ کے اندر تمام معاملات پر تبادلہ خیال کیا جائے،بحث ہونی چاہئے،عمل ہورد عمل ہو۔ اراکین کو مقرر ہ وقت سے زیادہ کام کرنا چاہئے تاکہ تمام اہم موضوعات کو نتیجے تک پہنچائیں۔وزیراعظم نے کہا کہ تمام سیاسی جماعتیں مئی کے مہینے میں کسوٹی پرکسے جائیں گے، لہذا یہ خیال ہے کہ تمام جماعتیں پارٹی کے بجائے عوام کو ترجیحی دیں گے،سرمائی سیشن اہم ہے،حکومت عوامی دلچسپی کے کئی بلوں کو لے کر آئے گی۔لوک سبھا کے اسپیکر سمیترا مہاجن نے سابق وزیر اعظم اٹل بہاری واجپئی کو خراج عقیدت پیش کیا، انہوں نے کہا کہ ملک نے ان کی موت کے باعث عظیم انسان کھو دیا ہے،ان کی شخصیت ہماری موجودہ اور مستقبل کی نسلوں کے لئے حوصلہ افزائی کا ذریعہ ہے۔اٹل جی کے نظریات اور اصول عوام کے لئے حوصلہ افزائی کریں گے۔راجیہ سبھا اسمبلی کے اسپیکر اور نائب صدر وینکیانائیڈونے اٹل بہاری واجپئی کے عہدے کویاد کرتے ہوئے کہاکہ اٹل حکومت کے دوران ملک کی متنوع ترقی کا ذکرکیا۔انہوں نے کہا کہ اندرونی اور بیرونی سیکورٹی کو مضبوط بنانے کے لئے واجپئی نے اہم کام کیا،اس وقت ہندوستان نے نہ صرف ایٹمی تجربہ کیا بلکہ بین الاقوامی پابندیوں سے بھی مقابلہ کیا۔ اننت کمار کویادکرتے ہوئے وینکیا نائیڈو جذباتی ہو گئے۔انہوں نے کہا کہ اننت کمار نے کئی وزارتوں کو سنبھال کرملک کی تعمیر میں اہم کردار ادا کیا ہے۔انہوں نے پارلیمانی امور کے وزیر کے طور پر بھی ایک متاثرکام کیاہے۔