پنچ کولہ،19؍اکتوبر(ایس او نیوز؍آئی این ایس انڈیا) رسوئی گیس سلنڈر میں لیک کی وجہ سے یہاں ایک گھر میں ہوئے دھماکے میں کم از کم آٹھ افراد زخمی ہو گئے۔پولیس نے آج بتایا کہ دھماکہ ا تنا شدید تھا کہ پورا گھر گر گیا اور آس پاس کے قریب 20 مکانوں کی کھڑکیوں کے شیشے ٹوٹ گئے۔ پولیس نے کہا کہ یہ دھماکہ کل دیر رات رسوئی گیس سلنڈر میں لیکیج کی وجہ سے ہو۔زخمیوں کو چندی گڑھ اور پنچ کولہ کے سول ہسپتال میں داخل کرایا گیا ہے۔ پولیس نے بتایا کہ چندی گڑھ میں داخل کرائے گئے چار افرادکافی جھلس گئے تھے، انہوں نے کہا کہ گھر کے دسرے افرادجب مارکیٹ گئے تھے تب یہ حادثہ ہوا۔ اس حادثے میں کچھ راہگیر بھی کے زخمی ہونے کی بھی اطلاع ہے ۔