فلم ’’ پدماوتی ‘‘ تنازعہ : دھمکی دینے وا لے مجرم ہیں تو سنجے لیلا بھی کم قصور وا رنہیں ،عوامی جذبات سے کھیلنے کے عادی ہوچکے ہیں سنجے لیلا بھنسانی : یوگی آدتیہ ناتھ
لکھنؤ،21؍نومبر ( ایس او نیوز؍آئی این ایس انڈیا ) فلم پدماوتی پر تنازع جاری ہے اسی تنازع میں یوگی آدتیہ ناتھ بھی کود پڑے ہیں انہوں نے صاف لہجوں میں کہا کہ اگر دھمکیاں دینے والا مجرم ہے تو سنجے لیلا بھی کم قصور وار نہیں ہیں، انہوں نے مزید کہا کہ فلم ڈائریکٹر سنجے لیلا کو عوامی جذبات سے کھیلنے کی عادت ہوگئی ہے ۔ اس مبینہ تنازعات کے درمیان ہندوشدت پسند گروپ کے ذریعہ مسلسل دھمکیاں بھی مل رہی ہیں ۔ بی جے پی کے چیف میڈیا مینیجر کنور سورج وال کو ایک وجہ بتاؤ نوٹس جاری کیا گیا ہے ۔ انہوں نے دیپکا پاڈوکون اور سنجے لیلا بھینسالی کے سرکاٹ کر لانے والے کو 10 ملین روپے کا انعام دیا تھا؛لیکن، اس دوران، یو پی کے وزیراعلی یوگی ادیتھناتھ نے کہا ہے کہ کوئی بھی شخص قانون کو اپنے ہاتھ میں نہیں لے سکتا خواہ وہ کوئی بھی ہو اسے اس کی ہرگز اجازت نہیں دی جا سکتی ۔ یوپی کے وزیراعلی یوگی نے کہا ہے کہ اگروہ لوگ جو مسلسل دھمکیاں دے رہے ہیں، مجرم ہیں تو سنجے لیلا بھی کم مجرم نہیں ہے، بھینسالی لوگوں کے جذبات سے کھیلنے کے عادی بن گئے ہیں۔فلم ’’پدماوتی ‘‘ کے متعلق چل رہے تنازعہ پر خاموشی توڑ تے ہوئے کمل ہاسن نے اپنے ٹوئٹ میں لکھا کہ مجھے دیپکا کے سر محفوظ چاہئے اس کے جسم سے کہیں زیادہ قابل احترام ہے ،ویسے، سنجے لیلا کی فلم ’’ پدماوتی ‘‘کے ریلیز ہونے کی تاریخ تنازعات کے بعد ملتوی کردی گئی ہے، لیکن مسلسل مل رہی دھمکیوں سے فلم میں کام کرنے والے اداکار و اداکارائیں سہمے ہوئے ہیں ، بالی ووڈ میں بھی ایک طرح سے سراسیمگی پائی جا رہی ہے ، وہیں بالتواتر دھمکیوں سے آزادی اظہار بھی خطرہ میں پڑ رہی ہے اور اس حق کا اتلاف ہو رہا ہے ۔قابل ذکر بات یہ ہے کہ جس سنجے لیلا نے گذشتہ سال عدم تحمل کی بات پر اپنی خفگی کا اظہا رکیا تھا اب موصوف کوہی حقائق سے واسطہ پڑا ہے ، موصوف نے عدم تحمل کی مکمل نفی کی تھی ۔